Heavy Rains: వాయుగుండం ప్రభావం.. ఆంధ్రప్రదేశ్‌లో ఈ జిల్లాలకు రెడ్ అలర్ట్
ఈ వార్తాకథనం ఏంటి
బంగాళాఖాతంలో ఏర్పడిన తీవ్ర అల్పపీడనం ప్రభావంతో ఆంధ్రప్రదేశ్‌కి భారీ వర్షాలు కురుస్తున్నాయి.
నైరుతి బంగాళాఖాతంలో అల్పపీడనం వాయుగుండంగా మారి, వాయువ్య దిశగా గంటకు 10 కిమీ వేగంతో కదులుతోంది.
ప్రస్తుతం చెన్నైకి 440 కిమీ, పుదుచ్చేరికి 460 కిమీ, నెల్లూరుకు 530 కిమీ దూరంలో ఉంది.
రేపు తెల్లవారుజామున ఈ వాయుగుండం పుదుచ్చేరి-నెల్లూరు మధ్య తీరం దాటే అవకాశం ఉందని ఏపీ విపత్తుల నిర్వహణ సంస్థ తెలిపింది.
ఈ ప్రభావంతో దక్షిణ కోస్తా, రాయలసీమ జిల్లాల్లో భారీ వర్షాలు పడుతున్నాయి. ప్రత్యేకించి, ప్రకాశం, నెల్లూరు, తిరుపతి, చిత్తూరు, కడప జిల్లాల్లో అతి భారీ వర్షాలు కురిసే సూచనలతో రెడ్ అలర్ట్ జారీ చేశారు. .
Details
భారీ వర్షాల కారణంగా స్కూళ్లకు సెలవులు
తీరం వెంబడి గంటకు 40-60 కిమీ వేగంతో ఈదురుగాలులు వీస్తాయని, మత్స్యకారులు వేటకు వెళ్లకూడదని అధికారులు సూచించారు.
ఈ వర్షాల కారణంగా కొన్ని ప్రాంతాల్లో ఇప్పటికే ఆకస్మిక వరదల పరిస్థితి ఏర్పడింది.
నెల్లూరు జిల్లా కావలిలో 15 సెం.మీ., బాపట్ల జిల్లా అద్దంకిలో 14 సెం.మీ., కడప జిల్లా కోడూరులో 10 సెం.మీ. వర్షపాతం నమోదైంది.
రాష్ట్రంలోని వర్షాలు, వరదల పరిస్థితిపై హోంమంత్రి వంగలపూడి అనిత అధికారులతో సమావేశం నిర్వహించారు.
రెవెన్యూ, విపత్తుల నిర్వహణ శాఖ ప్రత్యేక ప్రధాన కార్యదర్శి ఆర్పీ సిసోడియా జిల్లా కలెక్టర్లు, అధికారులతో వీడియో కాన్ఫరెన్స్‌లో సమీక్ష నిర్వహించారు. కొన్ని జిల్లాల్లో భారీ వర్షాల కారణంగా స్కూళ్లకు సెలవులు ప్రకటించారు