Telangana: తెలంగాణలో 32 మంది డిప్యూటీ కలెక్టర్లు, 132మంది తహసీల్దార్ల బదిలీ
తెలంగాణ ప్రభుత్వం రెవెన్యూ శాఖలో భారీగా బదిలీలను చేపట్టింది. తెలంగాణ వ్యాప్తంగా 32 మంది డిప్యూటీ కలెక్టర్లకు స్థాన చలనం కలిగిస్తూ..రెవెన్యూ ముఖ్య కార్యదర్శి నవీన్‌ మిట్టల్‌ ఆదేశాలు జారీ చేశారు. ఈ క్రమంలో పలువురికి ప్రమోషన్లతో పాటు బదిలీ కల్పించారు. ఇంకొందరు డిప్యూటీ కలెక్టర్లను వెయిటింగ్‌లో ఉంచారు. అలాగే 132 మంది తహసీల్దార్లను కూడా ప్రభుత్వం బదిలీ చేసింది. మల్టీజోన్‌-1లో 84 మంది బదిలీ కాగా.. మల్టీజోన్‌-2లో 48మంది ట్రాన్స్‌ఫర్ అయ్యారు. లోక్‌సభ ఎన్నికల నేపథ్యంలో ఈసీ ఆదేశాల మేరకు తహసీల్దార్లను బదిలీ చేశారు. ఈ క్రమంలో మరికొన్ని కొన్ని బదిలీలు ఉండే అవకాశం ఉంది.
