గోవిందకోటి రాస్తే తిరుమల శ్రీవారి వీఐపీ బ్రేక్ దర్శనం ఉచితం.. నేటి నుంచే భక్తులకు చేతి కర్రల పంపిణీ
ఈ వార్తాకథనం ఏంటి
టీటీడీ పాలక మండలి సంచలన నిర్ణయాలు ప్రకటించింది. యువతలో సనాతన ధర్మం, హైందవ ధర్మవ్యాప్తి చేసేందుకు ప్రత్యేకంగా పలు కార్యక్రమాలను తీసుకువచ్చేందుకు నిర్ణయించింది.
ఈ మేరకు టీటీడీ చైర్మన్ భూమన కరుణాకర్ రెడ్డి అధ్యక్షతన జరిగిన పాలక మండలిలో కీలక నిర్ణయాలు తీసుకున్నారు.
యువతలో భక్తి భావాన్ని పెంపొందించేందుకు 25 ఏళ్లలోపు యువత, కోటి గోవింద నామాలు రాసిన వారితో పాటు కుటుంబం మొత్తానికి వీఐపీ బ్రేక్ దర్శనం కల్పించేందుకు టీటీడీ తీర్మానించింది.
అంతేకాకుండా, 10,01,116 సార్లు గోవింద నామాలు రాసిన వ్యక్తికి స్వామివారి బ్రేక్ దర్శనం కల్పించేందుకు టీటీడీ నిర్ణయించింది.
ఎల్‌కేజీ నుంచి పీజీ వరకు విద్యార్థులకు ఉచితంగా 20 పేజీలున్న కోటి భగవద్గీత పుస్తకాలను శ్రీవారి ప్రసాదంగా అందించనున్నారు.
DETAILS
కర్రలు చేతిలో ఉంటే చిరుత, ఎలుగుబంటి వస్తే తరిమికొట్టొచ్చు : భూమన
తిరుమలకు నకడ మార్గంలో వెళ్లే భక్తుల సౌకర్యార్థం టీటీడీ ప్రత్యేక ఏర్పాట్లు చేపడుతోందని ఛైర్మన్ కరుణాకర్ రెడ్డి వెల్లడించింది. ఈ మేరకు పటిష్ట భద్రతను కల్పిస్తున్నామన్నారు.
ప్రతీ ఒక్కరికి ఇవాళ్టి నుంచి చేతికర్రలు అందిస్తున్నామని, కర్రలు చేతిలో ఉంటే చిరుత, ఎలుగుబంటి వస్తే తరిమికొట్టేందుకు ఊతంగా ఉంటుందన్నారు. అనంతరం ఎన్ఎస్ ఆలయం వద్ద తిరిగి తీసుకోనున్న తెలిపారు.
సనాతన ధర్మంపై తమిళనాడు మంత్రి ఉదయనిధి స్టాలిన్ వ్యాఖ్యలను భూమన తప్పుబట్టారు. సనాతన ధర్మం అంటే మతం కాదని, అది ఒక జీవనయానమన్నారు.
ప్రతి దేశానికి ఓ సంస్కృతి, సంప్రదాయం ఉంటుందన్నారు. సమాజంలో అలజడిని సృష్టించేందుకే ఇలాంటి వ్యాఖ్యలు పనికొస్తాయి తప్ప ఉద్దరించేందుకు కాదని చెప్పుకొచ్చారు.