Tamil Nadu: తమిళనాడు రాజకీయాల్లో టర్నింగ్ పాయింట్.. విజయ్తో అన్నాడీఎంకే టచ్లోకి..!
ఈ వార్తాకథనం ఏంటి
తమిళనాడు ఎన్నికలు ముగిసిన తర్వాత రాష్ట్ర రాజకీయాల్లో ఉత్కంఠ నెలకొంది. ఏ కూటమి అధికారంలోకి వస్తుందనే విషయంలో ఎగ్జిట్ పోల్స్ సంస్థలు కూడా స్పష్టమైన అభిప్రాయాన్ని ఇవ్వలేకపోయాయి. కొన్ని సర్వేలు డీఎంకే కూటమి గెలుస్తుందని అంచనా వేయగా, మరికొన్ని అన్నాడీఎంకే అధికారంలోకి వచ్చే అవకాశం ఉందని పేర్కొన్నాయి. ఈ నేపథ్యంలో ప్రముఖ ఎగ్జిట్ పోల్స్ సంస్థ Axis My India విడుదల చేసిన అంచనాలు రాజకీయ వర్గాల్లో చర్చనీయాంశంగా మారాయి. ఆ నివేదిక ప్రకారం సినీనటుడు విజయ్ నేతృత్వంలోని టీవీకే పార్టీ 98 నుంచి 120 సీట్లు గెలుచుకునే అవకాశం ఉందని పేర్కొంది.
వివరాలు
కింగ్ మేకర్గా మారే అవకాశం
ఈ అంచనాల నేపథ్యంలో తమిళనాడు రాజకీయాల్లో కొత్త సమీకరణాలు కనిపిస్తున్నాయి. విజయ్ పార్టీ కీలక పాత్ర పోషిస్తూ కింగ్ లేదా కింగ్ మేకర్గా మారే అవకాశం ఉందని భావిస్తున్నారు. దీంతో అన్నాడీఎంకే టీవీకేతో చర్చలకు సిద్ధమవుతున్నట్లు సమాచారం. యాక్సిస్ మై ఇండియా సర్వే ప్రకారం విజయ్కు సుమారు 35శాతం ఓట్లు వచ్చే అవకాశం ఉందని అంచనా. మరోవైపు సీఎం ఎం. కె. స్టాలిన్కు సుమారు 35 శాతం మద్దతు లభించే అవకాశం ఉందని, విజయ్ మాత్రం 37శాతం మద్దతుతో సీఎం పదవికి ప్రధాన పోటీదారుగా నిలిచారని సర్వే వెల్లడించింది. యువ ఓటర్లలో విజయ్కు భారీ మద్దతు కనిపిస్తోందని, తొలిసారి ఓటు వేసిన వారిలో ఎక్కువ మంది ఆయనకు అనుకూలంగా ఉన్నారని నివేదిక పేర్కొంది.