Andhrapradesh: రాజధాని అమరావతిని కలుపుకొంటూ జాతీయ రహదారి: కేంద్ర మంత్రి పెమ్మసాని చంద్రశేఖర్‌
రాజధాని అమరావతిని కలుపుతూ జాతీయ రహదారి విస్తరణకు నేషనల్ హైవే అథారిటీ ఆఫ్ ఇండియా (ఎన్‌హెచ్‌ఏఐ) రూపొందించిన ప్రణాళిక రవాణా సేవలను మెరుగుపరుస్తుందని కేంద్ర సహాయ మంత్రి పెమ్మసాని చంద్రశేఖర్‌ అన్నారు . గురువారం గుంటూరు కలెక్టరేట్‌లో జాతీయ రహదారుల పనులపై అధికారులతో సమీక్ష నిర్వహించిన మంత్రి, కృష్ణా, గుంటూరు జిల్లాలను కలుపే హైవే-16 అభివృద్ధి ప్రణాళికను ప్రశంసించారు. 'వినుకొండ-గుంటూరు మార్గం రెండు లైన్ల నుంచి నాలుగు లైన్లుగా విస్తరించబడుతుందని,మరో 25 కిలోమీటర్ల మేర పొడిగించి అమరావతిని తాకేలా ప్రణాళిక రూపొందించబడింది' అని మంత్రి పేర్కొన్నారు. ఈ హైవే రాజధాని అభివృద్ధికి కీలకంగా మారుతుందని, గుంటూరుకు మరో ఔటర్‌ రింగ్‌ రోడ్డు లా ఉపయోగపడుతుందని వివరించారు.
రైతులను మోసగించిన వారిపై చర్యలు
ఎన్‌హెచ్‌ఏఐ ఈ నిర్మాణాన్ని చేపట్టగా, రాష్ట్ర ప్రభుత్వం భూసేకరణ, విద్యుత్ వంటి పనులను వేగవంతంగా చేపట్టాలని మంత్రి విజ్ఞప్తి చేశారు. రెండు సంవత్సరాల్లో ఈ నిర్మాణం పూర్తవుతుందని అంచనా వేశారు. ఈ సమీక్ష సమావేశంలో కలెక్టర్ ఎస్‌.నాగలక్ష్మి, ఎమ్మెల్యేలు బూర్ల రామాంజనేయులు, ధూళిపాళ్ల నరేంద్రకుమార్, ఎన్‌హెచ్‌ఏఐ అధికారులు పాల్గొన్నారు. రైతుల మోసాల విషయంలో,గుంటూరు,పల్నాడు,ప్రకాశం,కర్నూలు జిల్లాల రైతులు శీతల గిడ్డంగుల్లో మిర్చి నిల్వచేస్తే,వారి తెలియకుండానే రుణాలు తీసుకుని మోసం చేసిన వారిపై కఠిన చర్యలు తీసుకుంటామని మంత్రి చంద్రశేఖర్‌ హెచ్చరించారు. మోసపోయిన రైతుల కన్నీటి దృశ్యాలు బాధ కలిగించాయని,నిందితులను అరెస్టు చేసి,వారి ఆస్తులను అటాచ్‌ చేయడానికి ఆదేశాలు జారీ చేసినట్లు తెలిపారు. నకిలీ రైతులపై కూడా చర్యలు తీసుకుంటామని ఆయన స్పష్టం చేశారు.
