సీమాహైదర్ లవ్ స్టోరీలో ఇండియన్ పోలీసులకు బెదిరింపులు.. రంగంలోకి ముంబై పోలీస్
ఈ వార్తాకథనం ఏంటి
పాకిస్థానీ మహిళ సీమా హైదర్, సచిన్ మీనాల ప్రేమ కథలో ఇండియన్ పోలీసులకు బెదిరింపులు వస్తున్నాయి. ప్రియుడితో కలిసి ఉండాలని పాక్ దేశాన్ని విడిచిపెట్టింది సీమా హైదర్. ఈ మేరకు ప్రేమికుడు ఉండే భారతదేశానికి తరలివచ్చింది.
ముంబై పోలీసులకు గుర్తు తెలియని వ్యక్తి వార్నింగ్ ఇచ్చాడు. తమ దేశానికి చెందిన సీమా హైదర్ పాకిస్థాన్ కు వెనక్కి తిరిగి రాకుంటే ముంబై 26/11 తరహా ఉగ్రదాడులకు పాల్పడతామని హెచ్చరించారు.
ఈ క్రమంలోనే ట్రాఫిక్ కంట్రోల్ రూంకు ఫోన్ కాల్ చేసి బెదిరింపులకు పాల్పడ్డాడు. సీమా తిరిగి పాక్ కు రాకపోతే భారతదేశంలో విధ్వంసం సృష్టిస్తామని సదరు కాలర్ హెచ్చరించాడు.
details
ముంబై 26/11 తరహాలో మరో ఘటనకు రెఢీగా ఉండాలంటూ బెదిరింపు కాల్స్
ఈ మేరకు భారతదేశంలోని ప్రతి ఒక్కరూ మరో 26/11 ముంబై ఉగ్రదాడి ఘటనకు సిద్ధంగా ఉండాలని బెదిరిస్తున్నాడు.
భవిష్యత్ లో ఏం జరిగినా ఆయా ఘటనలకు సంబంధించి ఉత్తర్‌ప్రదేశ్ సర్కార్ బాధ్యత వహించాలని కాలర్ డిమాండ్ చేస్తున్నాడు.
ఈ క్రమంలో సదరు ఫోన్ కాల్ ను సీరియస్ గా తీసుకున్న ముంబయి పోలీసులు దర్యాప్తును ప్రారంభించారు. క్రైమ్ బ్రాంచ్ పోలీసులతో కలిసి ముమ్మర విచారణ చేస్తున్నారు.
ముంబై పోలీస్ కంట్రోల్ రూమ్‌కు ఇలాంటి బెదిరింపు కాల్స్ తరచూగా వస్తుంటాయి. కానీ సీమా విషయాన్ని మాత్రం సిటీ పోలీసులు నిశితంగా గమనిస్తున్నారు.
ఎట్టిపరిస్థితుల్లోనూ పోన్ చేసిన నిందితుడ్ని పట్టుకోవాలని ప్రయత్నాలు సాగిస్తున్నారు.
details
భర్తను వదిలేసి ప్రియుడ్నే భర్తగా చేసుకున్న సీమా హైదర్
అసలేం జరిగిందంటే :
పాకిస్థాన్ లోని సింధ్ ప్రావిన్సుకు చెందిన సీమా హైదర్ 2014లో ఓ పాకిస్థానీని వివాహం చేసుకుంది. అనంతరం అతడితో కలిసి కరాచీలో నివాసం ఉండేది.ఈ క్రమంలో ఆమెకు పబ్ జీ గేమ్ ఆడటం అలవాటైంది.
సదరు ఆన్లైన్ గేమ్ ద్వారా భారత యువకుడు సచిన్ మీనాతో ఆమెకు పరిచయం ఏర్పడింది. అది కాస్త ప్రేమకు దారి తీసింది.
ఈ నేపథ్యంలోనే సీమా భర్తను వదిలేసి తన నలుగురు పిల్లల్ని తీసుకుని నేపాల్ మీదుగా ఇండియాకు వచ్చేసింది. అనంతరం తన ప్రేమికుడు సచిన్ ను పెళ్లాడిన సీమా హైదర్ వార్తల్లో నిలిచారు.
మరోవైపు తన భార్య, పిల్లలను పాక్ పంపించాలని సీమా హైదర్ భర్త గులాం హైదర్ కేంద్రాన్ని కోరుతున్నారు.