Uttarakhand: ఉత్తరాఖండ్ ఎస్టీఎఫ్ ఎన్‌కౌంటర్‌లో షూటర్ అమర్జీత్ హతం.. 15 కి పైగా కేసులలో వాంటెడ్
ఈ వార్తాకథనం ఏంటి
హరిద్వార్‌లోని భగవాన్‌పూర్ ప్రాంతంలో ఉత్తరాఖండ్ స్పెషల్ టాస్క్ ఫోర్స్(ఎస్‌టిఎఫ్)తో మంగళవారం తెల్లవారుజామున జరిగిన ఎన్‌కౌంటర్‌లో బాబా తర్సేమ్ సింగ్ హత్య కేసులో ప్రధాన నిందితుడు షూటర్ అమర్జీత్ హతమయ్యాడు. ఈ విషయాన్ని ఉత్తరాఖండ్ డీజీపీ మంగళవారం ధృవీకరించారు. మార్చి 28న ఉధమ్‌సింగ్ నగర్‌లో నానక్‌మట్ట గురుద్వారాలోని 'కరసేవ' చీఫ్ బాబా టార్సేమ్ సింగ్‌ను బైక్‌పై వచ్చిన ఇద్దరు దుండగులు కాల్చి చంపారు. లక్ష రూపాయల రివార్డుతో ఉన్న షూటర్ అమర్జీత్ సింగ్ అలియాస్ బిట్టు ఉత్తరాఖండ్ ఎస్‌టిఎఫ్‌తో జరిగిన ఎన్‌కౌంటర్‌లో మరణించగా,అతని సహచరుడు పరారీలో ఉన్నట్లు ఉత్తరాఖండ్ డైరెక్టర్ జనరల్ ఆఫ్ పోలీస్(డిజిపి)అభినవ్ కుమార్ తెలిపారు.
Details
రెండు రోజుల క్రితం పారితోషికం పెంపు
పరారీలో ఉన్న నిందితులను పట్టుకునేందుకు ఉత్తరాఖండ్ ఎస్టీఎఫ్, హరిద్వార్ పోలీసులు సంయుక్తంగా ఆపరేషన్ ప్రారంభించినట్లు డీజీపీ తెలిపారు. అమర్జీత్ సింగ్‌పై 16కి పైగా క్రిమినల్ కేసులు నమోదయ్యాయని పోలీసులు తెలిపారు. అంతకుముందు ఆదివారం ఉధమ్‌సింగ్ నగర్ ఎస్‌ఎస్‌పి పరారీలో ఉన్న షూటర్లు అమర్జీత్ సింగ్, సరబ్‌జీత్ సింగ్‌లపై రివార్డ్ మొత్తాన్ని రూ.50 వేల నుంచి రూ.లక్షకు పెంచారు. ఈ హత్య కేసులో మరో ముగ్గురు నిందితులను కూడా పోలీసులు అరెస్టు చేశారు. నేరస్థులను సమీకరించడం,వనరులను సమకూర్చడం,ఆయుధాలు సరఫరా చేయడం ద్వారా నేరం చేయడంలో వారు నిమగ్నమై ఉన్నారని పోలీసులు తెలిపారు.
Details
నేరాలకు పాల్పడితే.. పోలీసులు కఠినంగా వ్యవహరిస్తారు: డీజీపీ
బాబా తర్సేమ్ సింగ్ హత్యను ఉత్తరాఖండ్ పోలీసులు సవాలుగా తీసుకున్నారని, హంతకులిద్దరి కోసం ఎస్టీఎఫ్, పోలీసులు నిరంతరం వెతుకుతున్నారని డీజీపీ కుమార్ చెప్పారు. ఉత్తరాఖండ్‌లో నేరస్థులు ఇలాంటి దారుణమైన నేరాలకు పాల్పడితే.. పోలీసులు కఠినంగా వ్యవహరిస్తారని డీజీపీ తెలిపారు. బాబా తర్సేమ్ సింగ్ హత్య కేసు తర్వాత, ముఖ్యమంత్రి పుష్కర్ సింగ్ ధామి కూడా నిరంతరం నిఘా ఉంచారు. నిందితులను అరెస్టు చేయాలని పోలీసులకు కఠినమైన ఆదేశాలు ఇచ్చారు.