West Bengal : పశ్చిమ బెంగాల్‌లో కొనసాగుతున్న హత్య రాజకీయాలు.. టీఎంసీ నేత సహా మరొకరి హత్య
ఈ వార్తాకథనం ఏంటి
పశ్చిమ బెంగాల్‌లో హత్య రాజకీయాలు కొనసాగుతున్నాయి. ఈ మేరకు టీఎంసీ నేత స్థానిక పంచాయతీ సభ్యుడు సైఫుద్దీన్ లష్కర్ సహా మరో వ్యక్తి హత్యకు గురయ్యారు.
దక్షిణ 24 పరగణాస్‌లోని జాయ్‌నగర్‌లో సోమవారం తెల్లవారుజామున తృణమూల్ కాంగ్రెస్ (టీఎంసీ) నాయకుడితో సహా మరో వ్యక్తి దుండగులు కాల్చి చంపినట్లు పోలీసులు తెలిపారు.
మరోవైపు సైఫుద్దీన్ భార్య పంచాయతీ హెడ్‌(సర్పంచ్)గా ఉన్నారని స్థానికులు పేర్కొన్నారు. అయితే కాల్పుల శబ్దంతో విషయం తెలుసుకున్న గ్రామస్థులు దుండగులను వెంబడించారు. ఈ క్రమంలోనే సదరు ముఠాలో ఒకరిని పట్టుకున్నారు.
దీనిపై స్పందించిన పోలీసులు, ఇద్దరు వ్యక్తులు మరణించారని తెలిపారు.ఈ మేరకు విచారణ ప్రారంభించామన్నారు.
కేసులో భాగంగా ఒక వ్యక్తిని అరెస్టు చేశామని బరుయ్‌పూర్ సీనియర్ పోలీసు అధికారి పేర్కొన్నారు.
details
వ్యక్తిగత వైరమా లేక రాజకీయ వైరుధ్యమా అనే కోణంలో దర్యాప్తు
శుక్రవారం తెల్లవారుజామున గుర్తు తెలియని ఓ ముఠా అతని ఇంటి ముందు అడ్డగించి కాల్పులు జరిగాయని పోలీసులు పేర్కొన్నారు. ఫలితంగా అక్కడికక్కడే మృతి చెందినట్లు వివరించారు.
అయితే గ్రామస్తులకు వెంబడించిన క్రమంలో ముఠాలోని ఓ వ్యక్తి వీరికి చేతికి చిక్కాడని, దీంతో ఆగ్రహావేశాలతో సదరు వ్యక్తిని స్థానికులు కొట్టి చంపారని పోలీసులు స్పష్టం చేశారు.
ఆ తర్వాత అదే జిల్లాలోని ఉస్థి ప్రాంతానికి చెందిన మరో నిందితుడిని పోలీసులు అరెస్ట్ చేయడం గమనార్హం.
అయితే జంట హత్యలు ఎందుకు జరిగాయి, ఇందులో వ్యక్తిగత వైరం కారణమా లేక రాజకీయ వైరుధ్యమా అన్న కోణంలో పోలీసులు దర్యాప్తు చేస్తున్నారు.