Poorvi Prachand Prahar: చైనా సరిహద్దు వద్ద భారత సైన్యాల కొత్త మల్టీ-సర్వీస్ వ్యాయామం.. 'పూర్వి ప్రఛండ ప్రహార్' అంటే ఏమిటి?
ఈ వార్తాకథనం ఏంటి
పశ్చిమ సరిహద్దుల వెంట "త్రిశూల్" సైనిక వ్యాయామం నిర్వహించి తన సిద్ధతను ప్రపంచానికి చూపించిన భారత్, ఇప్పుడు తూర్పు దిశలో దృష్టి సారిస్తోంది. నవంబర్ 11 నుండి 15 వరకు అరుణాచల్ ప్రదేశ్‌లోని మేచుకా లోయలో 'పూర్వి ప్రఛండ ప్రహార్' అనే భారీ త్రి-సర్వీస్ (ఆర్మీ, నేవీ, ఎయిర్ ఫోర్స్) సంయుక్త సైనిక వ్యాయామం జరగనుంది. ఈ వ్యాయామం లక్ష్యం.. ప్రపంచంలో అత్యంత సున్నితమైన సరిహద్దులలో ఒకటైన చైనా సరిహద్దు ప్రాంతంలో భారత సైన్యాల సమగ్ర సిద్ధతను పరీక్షించడం.
వివరాలు
'పూర్వి ప్రఛండ ప్రహార్' అంటే ఏమిటి?
రక్షణ శాఖ వర్గాల సమాచారం ప్రకారం, ఈ వ్యాయామం ద్వారా భారత్ తన 'థియేటర్ కమాండ్' కాన్సెప్ట్‌ను అమలు చేయగల సామర్థ్యాన్ని నిరూపించుకోబోతోంది.. అంటే మూడు దళాల (భూసేన, నౌకాదళం, వాయుసేన) కార్యకలాపాలను ఒకే సమన్వయంలో నడిపే విధానం. ఈ వ్యాయామంలో ప్రత్యేక దళాలు, డ్రోన్లు,ప్రిసిషన్ ఆయుధ వ్యవస్థలు, నెట్‌వర్క్ ఆపరేషన్ సెంటర్లు.. ఇవన్నీ ఒకే సమన్వయంలో, ఎత్తైన ప్రాంతాల్లో వాస్తవ పరిస్థితుల్లో పనిచేసేలా ప్రాక్టీస్ చేయబడతాయి," అని రక్షణ పిఆర్‌ఓ లెఫ్టినెంట్ కల్నల్ మహేంద్ర రావత్ తెలిపారు. "పూర్వి ప్రఛండ ప్రహార్" అంటే భూ, గగన, సముద్ర రంగాలను కలిపి పూర్తిస్థాయి యుద్ధ పరిస్థితులను అనుకరించే వ్యాయామం.
వివరాలు
భారత యుద్ధ వ్యూహంలో ఈ వ్యాయామం ప్రాధాన్యం
ఇది ఒక్కసారిగా వచ్చిన వ్యాయామం కాదు. దీని ముందు "భల ప్రహార్" (2023), "పూర్వి ప్రహార్" (2024) వంటి సంయుక్త వ్యాయామాలు ఇప్పటికే జరిగాయి. వీటితో భారత్ తన సంపూర్ణ త్రి-సర్వీస్ కమాండ్ వ్యవస్థ వైపు అడుగులు వేస్తోంది. ఈ కొత్త వ్యాయామం ప్రధానంగా మూడు అంశాలపై దృష్టి పెడుతుంది: మల్టీ-డొమైన్ సమన్వయం:భూ,గగన,సముద్ర కార్యకలాపాల సమన్వయం.సాంకేతిక ఆధారిత యుద్ధం.. డ్రోన్లు,ఆర్టిఫిషియల్ ఇంటెలిజెన్స్ ఆధారిత పర్యవేక్షణ, ఉపగ్రహ కమ్యూనికేషన్ వ్యవస్థలు. టాక్టికల్ చురుకుదనం: కఠినమైన భూభాగాల్లో వేగంగా స్పందించే కొత్త వ్యూహాల పరీక్ష. రక్షణ విశ్లేషకులు ఈ వ్యాయామాన్ని త్రిశూల్ వ్యాయామానికి తూర్పు ప్రతిరూపంగా భావిస్తున్నారు. అంటే భారత్ రెండు వైపులా (తూర్పు, పశ్చిమం) ఒకేసారి సిద్ధంగా ఉందని చూపిస్తోంది.
వివరాలు
అరుణాచల్ ప్రదేశ్ ఎందుకు ముఖ్యమైందంటే
అరుణాచల్ ప్రదేశ్‌ను చైనా "సౌత్ టిబెట్" అని పిలుస్తుంది. ఈ నేపథ్యంలో భారత్ ఆ ప్రాంతంలో రహదారులు, వాయుసేన స్థావరాలు, రక్షణ వసతులను బలోపేతం చేస్తోంది. దీని వల్ల చైనా అసంతృప్తి వ్యక్తం చేస్తోంది. మేచుకాలో వ్యాయామం నిర్వహించడం ద్వారా భారత్, ఎత్తైన ప్రాంతాల్లో తన లాజిస్టిక్,ఆపరేషన్ సామర్థ్యాన్ని చూపిస్తోంది. "పూర్వి ప్రఛండ ప్రహార్" వ్యాయామంలో నౌకాదళం (Indian Navy) కూడా పాల్గొంటోంది. అంటే, కేవలం ఆర్మీ లేదా ఎయిర్ ఫోర్స్ మాత్రమే కాకుండా, సముద్ర దళం కూడా ఎత్తైన పర్వత ప్రాంతాల్లో జరిగే ఆపరేషన్లకు పరోక్షంగా మద్దతు ఇవ్వగల సామర్థ్యాన్ని అభివృద్ధి చేస్తోంది.
వివరాలు
త్రిశూల్ పశ్చిమంలో - ప్రఛండ తూర్పులో
ఇక పశ్చిమ సరిహద్దులో "త్రిశూల్" వ్యాయామం కొనసాగుతూనే ఉంది. రాజస్థాన్, గుజరాత్ సరిహద్దుల్లో జరిగిన ఈ వ్యాయామంలో లైవ్ ఫైరింగ్, సైబర్ & స్పేస్ వార్ సిమ్యులేషన్లు, ఫైటర్ జెట్లు, నావల్ టీంల సమన్వయం లాంటి అంశాలు ఉన్నాయి. త్రిశూల్ - ప్రఛండ వ్యాయామాలు కలిపి చూస్తే, ఇది స్వాతంత్ర్యానంతర భారత చరిత్రలో మూడు రంగాల్లో ఒకేసారి జరిగిన అతి పెద్ద సంయుక్త యుద్ధ సిద్ధత ప్రదర్శనగా నిలుస్తోంది.
వివరాలు
చైనా అంశం, వ్యాయామ సమయ ప్రాధాన్యం
ఇటీవలి కాలంలో లడాఖ్, యాంగ్ట్సే ప్రాంతాల్లో చైనా సైన్యంతో సరిహద్దు ఉద్రిక్తతలు కొనసాగుతున్న నేపథ్యంలో, ఈ వ్యాయామం సమయానుకూలమైంది. ఇది భారత్ తన హై-ఆల్టిట్యూడ్ లాజిస్టిక్ & మొబిలిటీ సామర్థ్యాలను పరీక్షించడానికి సహకరిస్తుంది. ఇక మరోవైపు, పాకిస్తాన్ కూడా అరేబియా సముద్రంలో ఫైరింగ్ డ్రిల్స్ కోసం నోటీసులు ఇచ్చింది. దీనితో భారత త్రిశూల్ వ్యాయామం సమయానికి ఇవి దాదాపు సమాంతరంగా జరిగాయి. రక్షణ నిపుణులు దీన్ని దక్షిణాసియా ప్రాంతంలో వ్యూహాత్మక అప్రమత్తత పెరుగుతున్న సూచనగా భావిస్తున్నారు.