ఆంధ్రప్రదేశ్‌లో దారుణం.. వైసీపీ కార్యకర్త ఘోర హత్య
ఈ వార్తాకథనం ఏంటి
ఆంధ్రప్రదేశ్‌లో మళ్లీ హత్యా రాజకీయాలు పురివిప్పికున్నాయి. ఈ మేరకు ఒక్కసారిగా పల్నాడు జిల్లా ఉలిక్కిపడింది.
కూనిరెడ్డి కృష్టారెడ్డి అనే వైసీపీ (వైఎస్సాఆర్ కాంగ్రెస్ పార్టీ) కార్యకర్తను ప్రత్యర్థులు వేటకొడవళ్లు, గొడ్డళ్లతో అత్యంత దారుణంగా నరికారు.
పల్నాడు జిల్లాలోని జంగమహేశ్వరం గ్రామంలో ఈ ఘటన జరిగింది. దీంతో జిల్లా వ్యాప్తంగా తీవ్ర అలజడులు రేగుతున్నాయి.
మరోవైపు కృష్ణారెడ్డి మృతదేహాన్ని గురజాల ప్రభుత్వాసుపత్రికి తరలించారు. పరిస్థితులు దిగజారకుండా పోలీసులు రంగ ప్రవేశం చేశారు. ఈ నేపథ్యంలోనే గ్రామంలో భారీగా పోలీస్ బందోబస్తు సిద్ధం చేశారు.
అధికార పార్టీ కార్యకర్త, కృష్ణారెడ్డిని చంపిన వారిని పట్టుకునేందుకు 3 స్పెషల్ టీమ్ లను పోలీస్ శాఖ సిద్ధం చేసింది.
details
అన్ని కోణాల్లో దర్యాప్తు చేస్తున్న పోలీసులు
కూనిరెడ్డి కృష్ణారెడ్డి పులిపాడు ప్రభుత్వ వైన్ షాప్ లో సూపర్ వైజర్ గా పని చేస్తున్నాడు. ఈ క్రమంలోనే ముసుగులు ధరించి వచ్చిన ఐదుగురు దుండగులు, అతని కళ్లలో కారం చల్లారు. అనంతరం ఘోరంగా హత్య చేశారని స్థానికులు తెలిపారు.
అయితే హత్యకు గల కారణాలు పూర్తిగా తెలియరాలేదు. కానీ రాజకీయాలే కారణమా లేక ఇతర వ్యాపార కారణాలు ఏమైనా ఉండొచ్చా అన్న కోణంలో పోలీసులు దర్యాప్తు సాగిస్తున్నారు.
మరోవైపు ఇదే జిల్లాలోని గురజాల మండలం, జంగమహేశ్వరం గ్రామంలో గతంలోనూ ఫ్యాక్షన్ చరిత్ర ఉంది.
ఈ సందర్భంగా హత్యకు ప్రతిపక్ష తెలుగుదేశం పార్టీ క్యాడర్ కారణం అంటూ వైఎస్సాఆర్ కాంగ్రెస్ పార్టీ ఆరోపణలు చేయడం గమనార్హం.