Protein Rich Vegetarian Foods: ప్రోటీన్ అధికంగా ఉండే 10 వెజిటేరియన్ ఆహారాలు ఇవే..
కోడిగుడ్లలో విటమిన్లు, మినరల్స్,ఇతర ముఖ్యమైన పోషకాలు అధికంగా ఉంటాయి. వీటిని తినడం ద్వారా ఆరోగ్యానికి అనేక ప్రయోజనాలు పొందవచ్చు. కోడిగుడ్లలో ఉన్న ప్రోటీన్ స్థాయిల గురించి చాలా మందికి తెలిసిందే; ఒక్కో సాధారణ గుడ్డులో సుమారు 6.29 గ్రాముల ప్రోటీన్ ఉంటుంది, ఇది కండరాల వృద్ధికి చాలా ఉపయోగకరంగా ఉంటుంది. అయితే, వెజిటేరియన్లు కోడిగుడ్లు తినకపోవచ్చు. కానీ, గుడ్ల కంటే ఎక్కువ ప్రోటీన్ కలిగి ఉండే కొన్ని శాకాహార ఆహారాలు కూడా ఉన్నాయి. అవేంటో ఇప్పుడు చూద్దాం..
ఎక్కువ ప్రోటీన్ కలిగిన శాకాహార ఆహారాలు ఇవే..
మీల్‍మేకర్ మీల్‍మేకర్ (సోయాచంక్స్)లో ప్రోటీన్ ప్రాముఖ్యత అధికంగా ఉంది. 100 గ్రాముల మీల్‍మేకర్‌లో సుమారు 36 గ్రాముల ప్రోటీన్ ఉంటుంది, ఇంకా ముఖ్యమైన అమినో యాసిడ్స్ కూడా ఉంటాయి. పనీర్ పనీర్ (కాటేజ్ చీజ్) రుచికరంగా ఉండటం తో పాటు, ఇది పోషకాలను కూడా కలిగి ఉంది. 100 గ్రాముల పనీర్‌లో సుమారు 24 గ్రాముల ప్రోటీన్ ఉంది. గుమ్మడి గింజలు గుమ్మడి గింజలు ఆరోగ్యానికి ఎంతో మేలు చేస్తాయి. 30 గ్రాముల గుమ్మడి గింజలు సుమారు 8 గ్రాముల ప్రోటీన్ కలిగి ఉంటాయి. ఇవి పాస్ఫరస్, జింక్ వంటి పలు పోషకాలు అందిస్తాయి.
ఎక్కువ ప్రోటీన్ కలిగిన శాకాహార ఆహారాలు ఇవే..
సోయాబీన్స్ సోయాబీన్స్ ప్రోటీన్‌కు మరొక మంచి ఆహారం. ఉడికించిన 100 గ్రాముల సోయాబీన్స్‌లో సుమారు 36 గ్రాముల ప్రోటీన్ ఉంటుంది. క్వినోవా క్వినోవా ధాన్యం ఆరోగ్యానికి మంచిది. ఒక కప్పు క్వినోవాలో సుమారు 9 గ్రాముల ప్రోటీన్ ఉంటుంది, ఇందులో గ్లిటెన్ ఉండదు, మరియు ముఖ్యమైన అమినో యాసిడ్లను కలిగి ఉంటుంది. శెనగలు శెనగలు కూడా ప్రోటీన్ అధికంగా ఉన్న ఆహారాలలో ఒకటిగా ఉన్నాయి. ఉడికించిన 100 గ్రాముల శెనగల్లో సుమారు 12 గ్రాముల ప్రోటీన్ ఉంటుంది. కిడ్నీ బీన్స్ (రాజ్మా) ప్రోటీన్ ఫుడ్స్ కోసం చూస్తున్నవారికి కిడ్నీ బీన్స్ మంచి ఎంపిక. 100 గ్రాముల రాజ్మాలో సుమారు 24 గ్రాముల ప్రోటీన్ ఉంటుంది.
ఎక్కువ ప్రోటీన్ కలిగిన శాకాహార ఆహారాలు ఇవే..
పప్పు ధాన్యాలు కందిపప్పు, మినపపప్పు, ఎర్ర కందిపప్పు వంటి పప్పు ధాన్యాలు ప్రోటీన్ పుష్కలంగా ఉంటాయి. 100 గ్రాముల పప్పు ధాన్యాల్లో సుమారుగా 25 గ్రాముల వరకు ప్రోటీన్ ఉంటుంది. గ్రీక్ యగర్ట్ 100 గ్రాముల గ్రీక్ యగర్ట్‌లో సుమారు 9 గ్రాముల ప్రోటీన్ ఉంటుంది, ఇది సాధారణ పెరుగు కంటే దాదాపు రెట్టింపు. పచ్చి బఠానీలు 100 గ్రాముల పచ్చి బఠానీల్లో సుమారు 6 గ్రాముల ప్రోటీన్ ఉంటుంది. ఇవి ఫైబర్, ఫోలెట్, మాంగనీస్ వంటి ముఖ్యమైన విటమిన్లు కూడా కలిగి ఉంటాయి. ఈ పోషకాహారాల ద్వారా మీరు కోడిగుడ్ల కంటే ఎక్కువ ప్రోటీన్ పొందవచ్చు, వీటిని మీ ఆహారంలో చేర్చడం ద్వారా ఆరోగ్యాన్ని మెరుగు పరచుకోవచ్చు.
