ప్రపంచంలోని అత్యంత సంపన్నులు పేదలైతే ఇలాగే కనిపిస్తారట
ఆర్టిఫిషియల్ ఇంటెలిజెన్స్ ఎంతగా అభివృద్ధి చెందింది అంటే ప్రజలు పెద్దగా శ్రమించకుండానే అన్ని రకాల చిత్రాలను ఈజీ క్రియేచే చేయొచ్చు. చాలా మంది కళాకారులు ఊహించలేని చిత్రాలను రూపొందించడానికి ఆర్టిఫిషియల్ ఇంటెలిజెన్స్ సాంకేతికతను దోహదపడుతుంది. తాజాగా గోకుల్ పిళ్లై ఒక కళాకారుడు 'మిడ్‌జర్నీ' అనే ఆర్టిఫిషియల్ ఇంటెలిజెన్స్ ప్రోగ్రామ్‌ను ఉపయోగించి ప్రపంచంలోని అత్యంత సంపన్నులను పేదలుగా చూపించే చిత్రాలను రూపొందించారు. ప్రస్తుతం ఇవి సోషల్ మీడియాలో వైరల్‌గా మారాయి.
పేదవాడైనప్పటికీ మస్క్ ధనవంతుడుగా కనిపిస్తున్నారు: నెటిజన్ కామెంట్
ప్రపంచంలోని ఏడుగురు అత్యంత సంపన్నులు మురికివాడల్లో నివసిస్తే వారి వస్రాధరణ ఎలా ఉంటుందో ఆయన ఏఐ ద్వారా ఊహించారు. ఆ ఏడు చిత్రాల్లో డొనాల్డ్ ట్రంప్, బిల్ గేట్స్, ముఖేష్ అంబానీ, మార్క్ జుకర్‌బర్గ్, వారెన్ బఫెట్, జెఫ్ బెజోస్, ఎలోన్ మస్క్ ఉన్నారు. అయితే ఈ ఫోటోలపై నెటిజన్లు ఆసక్తిగా స్పందిస్తున్నారు. ఎలోన్ ఒక్కడే పేదవాడైనప్పటికీ ధనవంతుడుగా కనిపిస్తున్నారని ఒకరు స్పందించగా, 'ఏమిటి పిచ్చి భావన అని మరొకరు కామెంట్ చేశారు. ఈ పోస్ట్‌కు 8,800 కంటే ఎక్కువ లైక్‌లు, వేల కామెంట్‌లు వచ్చాయి.
