Education News: పరీక్షల సమయంలో విద్యార్థులు ఒత్తిడి లోనవ్వకుండా ఉండాలంటే.. ఇలా చెయ్యండి..
ఈ వార్తాకథనం ఏంటి
పరీక్షలు సమీపిస్తున్నాయి అనగానే సహజంగానే ఈ సమయంలో విద్యార్థులు ఒత్తిడిని ఎదుర్కొంటారు.
సమయం తక్కువగా ఉన్నప్పుడు ఒత్తిడి మరింత పెరుగుతుంది. కొంతమంది విద్యార్థులు చివరి క్షణాల్లో మాత్రమే చదవడం ప్రారంభిస్తారు.
ఆలస్యం చేయడం, చదువును వాయిదా వేయడం వల్ల ఒత్తిడి అధికమవుతుంది, ఫలితంగా మెరుగైన గ్రేడ్‌లు పొందలేకపోతారు.
అయితే, పరీక్షలకు ముందు ఒత్తిడిని తగ్గించుకోవడానికి, సమర్థవంతంగా చదవడానికి కొన్ని చిట్కాలు ఉన్నాయి.
ఉత్తమ ఫలితాలను సాధించేందుకు అధ్యయన ప్రణాళికను ఎలా రూపొందించుకోవాలో చూద్దాం.
వివరాలు
చదువులో సమయ నియంత్రణ
30 నిమిషాల పద్ధతి: కొంతమంది పరీక్షలు దగ్గరపడినప్పుడు విపరీతంగా చదువుతారు. ఇది ప్రయోజనకరం కాకపోవచ్చు. మూడ్ ఫ్రెష్‌గా ఉండేందుకు చదువును చిన్న భాగాలుగా విభజించుకోవాలి. ఉదాహరణకు, ఒక రోజు ముందు గంటల కొద్దీ చదవడం కన్నా, ఒక వారం పాటు రోజుకు 30 నిమిషాలు చదవడం ఉత్తమం.
పనులకు షెడ్యూల్: సమయాన్ని సమర్థవంతంగా నిర్వహించాలి. ప్రతి సబ్జెక్టుకు సమానమైన ప్రాధాన్యత ఇవ్వాలి. వాయిదా వేయకుండా, నిర్ణయించుకున్న లక్ష్యాలను పాటించాలి.
వివరాలు
మేధస్సును మెరుగుపరిచే వ్యూహాలు
ఫ్లాష్ కార్డులు: విషయాలను సులభంగా గుర్తుంచుకోవడానికి ఫ్లాష్ కార్డులను ఉపయోగించండి. ఉదాహరణకు, మానవ శరీర అవయవాల పేర్లు గుర్తుపెట్టుకోవాలంటే, అవి ఎక్కడ ఉన్నాయో ఫ్లాష్ కార్డుల ద్వారా క్రమబద్ధంగా నేర్చుకోండి.
ప్రయోజనకరమైన నోట్స్: తరగతి గదిలో ముఖ్యమైన విషయాలను నోట్ చేసుకోవడం అవసరం. ఇది పుస్తకంలోని ప్రతీ పేజీ చదవకుండానే ముఖ్యాంశాలను తెలుసుకునేలా చేస్తుంది.
సమర్థవంతమైన పద్ధతులు సరైన అధ్యయన విధానం: ఎవరికైనా అనువైన విధానం వేర్వేరు కావచ్చు. చదువుతున్నప్పుడు ముఖ్యమైన అంశాలను హైలైట్ చేసుకోవాలి. గణితంలో సూత్రాలు, ఫిజిక్స్, కెమిస్ట్రీలో ఫార్ములాలు లాజిక్‌తో గుర్తుపెట్టుకోవాలి.
వివరాలు
కీలకమైన సబ్జెక్టులకు ప్రాధాన్యత
విరామాలు తీసుకోవడం: నిరంతరంగా గంటల తరబడి చదవడం మానసిక ఒత్తిడిని కలిగించవచ్చు. ప్రతి గంటకు కొద్ది సమయం విరామం తీసుకుంటే మరింత ఏకాగ్రత పెరుగుతుంది. పరీక్షల ముందు రెండు రోజుల పాటు అతిగా చదవకుండా, ముఖ్యమైన అంశాలను మాత్రమే రివైజ్ చేయాలి.
అవసరమైన విషయాలపై దృష్టి: ముఖ్యమైన సబ్జెక్టులకు ఎక్కువ సమయం కేటాయించాలి. కష్టతరమైన అంశాలకు ఎక్కువ సమయం, తేలికైనవాటికి తక్కువ సమయం కేటాయించాలి.
ఏవైనా సందేహాలు ఉంటే ముందుగానే క్లియర్ చేసుకోవాలి. ఈ వ్యూహాలను పాటిస్తే, పరీక్షల్లో ఒత్తిడిని తగ్గించుకోవడంతో పాటు, ఉత్తమ ఫలితాలను సాధించగలుగుతారు!