Chayote Health Benefits: సీమ వంకాయలో దాగి ఉన్న ఆరోగ్య ప్రయోజనాలు ఇవే..!
ఈ వార్తాకథనం ఏంటి
మన దేశంలో అనేక మంది వారి రోజువారీ ఆహారంలో అన్నం, కూరగాయలు, చేపలు, మాంసం వంటి వంటకాలను ముఖ్యంగా తీసుకుంటారు.
కాలం గడుస్తున్న కొద్దీ, ఆహారపు అలవాట్లు మారుతున్నప్పటికీ, పాత పద్ధతులు, ప్రత్యేకమైన ఆహార సంస్కృతి ఇప్పటికీ కొనసాగుతూనే ఉన్నాయి.
బియ్యం, కూరగాయల వంటి వంటకాల రుచి కొంచెం మారిపోయినా, ప్రాథమిక రుచి మాత్రం అలాగే ఉంటుంది.
ఈ వంటకాలలో ఒకటి "సీమ వంకాయ" లేదా బెంగళూరు వంకాయ. ఇది మన మార్కెట్‌లో సాధారణంగా కనిపించే కూరగాయలలో ఒకటి.
కానీ ఇప్పటికీ చాలా మంది సీమ వంకాయ గురించి చాలామంది అవగాహన కలిగివుండరు.
వివరాలు
తక్కువ కేలరీలు కలిగి ఉంటూ, బరువు తగ్గడానికి ప్రయత్నిస్తున్న వారికి అనుకూలమైన ఆహారం
అయితే, ఇటీవలి కాలంలో కొత్త రుచుల్లో ఈ కూరగాయ కూడా ప్రాచుర్యం పొందింది.
ఈ కూరగాయకు ప్రత్యేకమైన రుచి మాత్రమే కాకుండా, అనేక ఆరోగ్య ప్రయోజనాలు కూడా ఉన్నాయి.
అయితే ఇంకా చాలా మంది సీమ వంకాయ ఆరోగ్య ప్రయోజనాలు గురించి తెలియకుండానే ఉన్నారు.
కానీ ఈ కూరగాయలో ఉన్న ఆరోగ్య ప్రయోజనాలను తెలుసుకోవడం ద్వారా, వారు దీనిని తమ ఆహారంలో తప్పకుండా భాగం చేసుకుంటారు.
సీమ వంకాయ తక్కువ కేలరీలు కలిగి ఉంటూ, బరువు తగ్గడానికి ప్రయత్నిస్తున్న వారికి అనుకూలమైన ఆహారం.
అధిక పీచుతో కూడిన ఈ కూరగాయ, పొట్టను ఎక్కువసేపు నిండుగా ఉంచుతుంది.
ఈ కూరగాయలో పోటాషియం అధికంగా ఉండటం వల్ల, ఇది రక్తపోటు నియంత్రణకు సహాయపడుతుంది.
వివరాలు
శరీరానికి కావలసిన శక్తిని, రోగనిరోధక శక్తిని పెంచుతాయి
అందులో ఉన్న యాంటీఆక్సిడెంట్లు హృదయ ఆరోగ్యాన్ని కాపాడటంలో ముఖ్యపాత్ర పోషిస్తాయి.
ఇందులో విటమిన్ C, విటమిన్ K, ఫోలేట్, మ్యాంగనీస్ వంటి ఖనిజాలు సమృద్ధిగా ఉంటాయి.
ఇవి శరీరానికి కావలసిన శక్తిని, రోగనిరోధక శక్తిని పెంచుతాయి. అధిక ఫైబర్ కారణంగా, జీర్ణవ్యవస్థ మెరుగుపడుతుంది. మలబద్ధక సమస్యలు నివారించబడతాయి.
సీమ వంకాయలో ఫ్లావనాయిడ్లు,ఇతర యాంటీఆక్సిడెంట్లు అధికంగా ఉంటాయి.
ఇవి శరీరంలో ఉండే ఫ్రీ ర్యాడికల్స్‌ను తొలగించి, కేన్సర్ వంటి తీవ్రమైన రోగాల నుండి రక్షణ కల్పిస్తాయి.
ఈ కూరగాయలో యాంటీ ఏజింగ్ లక్షణాలు కూడా ఉంటాయి, అవి చర్మానికి కావలసిన పోషణను అందించి, చర్మాన్ని ఆరోగ్యంగా ఉంచుతాయి.
వివరాలు
రక్తంలో చక్కెర స్థాయిలను నియంత్రిస్తుంది
ఫోలేట్ ఎక్కువగా ఉండటం వలన, ఇది గర్భిణీ స్త్రీలకు చాలా మేలు చేస్తుంది.
గర్భస్థ శిశువు మేధస్సు,నాడీ వ్యవస్థ అభివృద్ధికి సహాయపడుతుంది. దీనిలో ఉన్న తక్కువ గ్లైసెమిక్ ఇండెక్స్, రక్తంలో చక్కెర స్థాయిలను నియంత్రించడంలో సహాయపడుతుంది, ఇది మధుమేహ బాధితులకు అనుకూలమైన ఆహారం.
ఇది మెదడు పనితీరును మెరుగుపరచడంలో కూడా సహాయపడుతుంది.
దీనిలో ఉన్న విటమిన్ K, మ్యాంగనీస్ వంటి ఖనిజాలు ఎముకలను బలంగా ఉంచడంలో సహాయపడతాయి.