భోజన పళ్లెంలో ఏమీ మిగల్చకుండా తినడం, థంబ్స్ అప్ సింబల్స్ లాంటి వాటిని ఇబ్బందికరంగా చూసే దేశాలు
ఈ వార్తాకథనం ఏంటి
అంతా ఓకే అన్నట్టు థంబ్స్ అప్ చూపించడం, కొత్తవాళ్ళని చూసి నవ్వడం, భోజన పళ్లెంలో ఏమీ మిగల్చకుండా ఊడ్చినట్టుగా తినడం వంటి కొన్ని వ్యవహారాలను ఇతర దేశాల్లో ఇబ్బంది కలిగించే అలవాట్లుగా పరిగణిస్తారని మీకు తెలుసా?
ఆ ఇబ్బంది ఎందుకో? వాళ్ళలా ఎందుకు ఆలోచిస్తారో? ఆ దేశాలేమిటో ఇక్కడ తెలుసుకుందాం.
వి షేప్: సాధారణంగా మన రాజకీయ నాయకులు ఎక్కడికైనా మీటింగ్ కి వచ్చినపుడు అక్కడ జనాల్ని చూసి, చూపుడు వేలును మధ్యవేలును చూపిస్తూ విజయం మనదే అన్నట్టుగా చూపిస్తారు. బ్రిటన్ లో ఇలా చూపించడకూడదు. ఇలా చూపించడాన్ని వాళ్ళు వల్గర్ గా భావిస్తారు.
వృత్తిపరంగా కానీ స్నేహితుల మధ్య కానీ ఇలా వీ షేప్ లో వేళ్లను చూపించకూడదని గుర్తుంచుకోండి.
ట్రావెల్
ఇతర దేశాల్లోని ప్రజలు ఇబ్బందిగా ఫీలయ్యే మనదేశపు అలవాట్లు
థంబ్స్ అప్: ఏదైనా పని పూర్తయినపుడు లేదా ఎవరికైనా సపోర్ట్ ఇవ్వాలనుకున్నప్పుడు థంబ్స్ అప్ చూపించడం పశ్చిమ దేశాల్లో సహజమే. కానీ మిడిల్ ఈస్ట్ లోని కొన్ని ప్రాంతాల్లో, లాటిన్ అమెరికా, వెస్టన్ ఆఫ్రికాలో ఇలా చేయకూడదు. ఎల్జీబీటీక్యూ ప్లస్ కమ్యూనిటీ వారికి మర్యాద ఇవ్వనట్టుగా వాళ్ళు అర్థం చేసుకుంటారు.
భోనజ పళ్ళెంలో పూర్తిగా తినేస్తే: చైనా, రష్యా, థాయ్ లాండ్ దేశాల్లో ఇలా తినడం వల్ల మీకు ఆతిథ్యం ఇచ్చిన వాళ్ళు హర్ట్ అవుతారు. మీ కడుపు నిండకుండానే లేచి వెళ్ళారేమోనని వాళ్ళు అనుకుంటారు. అతిధికి కావాల్సినంత ఆహారం పెట్టలేదేమోనని అనుకుంటారు.
కొత్తవాళ్ళను చూస్తూ నవ్వడం: రష్యాలో ఇలా చేయకూడదు. తెలిసిన వాళ్ళు, స్నేహితులు బంధువులతో మాత్రమే నవ్వాలి.