ట్రావెల్: జపాన్ లో చాప్ స్టిక్స్ వాడేటపుడు తీసుకోవాల్సిన జాగ్రత్తలు
ఈ వార్తాకథనం ఏంటి
జపాన్ దేశస్తులకు క్రమశిక్షణ చాలా ఎక్కువ. అందుకే వారి జీవితకాలం కూడా ఎక్కువగా ఉంటుంది. ఆ క్రమశిక్షణ వారి తినే విధానాల్లో మరింత ఎక్కువగా ఉంటుంది. జపాన్ లో చాప్ స్టిక్స్ తో భోజనం తినేటపుడు కొన్ని జాగ్రత్తలు పాటించాలి.
చాప్ స్టిక్స్ తో కొన్ని పనులు చేయకూడదు. వాటిని జపాన్ లో ఏమంటారో ఎలాంటి పనులు చేయకూడదో తెలుసుకుందాం.
సుకితాతేబషి (భోజనపళ్ళెంలో చాప్ స్టిక్స్ ని నిలువుగా ఉంచరాదు)
భోజనం చేస్తున్నప్పుడు పళ్ళెంలో చాప్ స్టిక్స్ ని నిలువుగా ఉంచితే వాళ్ళు సహించలేరు. ఎవరైనా చనిపోతే అంత్యక్రియల దగ్గర శవం మీద కట్టెలను పేర్చినట్టుగా మీ చర్యను వాళ్ళు ఫీలవుతారు. అందుకే భోజనపళ్ళెం పక్కన చాప్ స్టిక్స్ పెట్టాలి.
ట్రావెల్
చాప్ స్టిక్స్ ఉపయోగించే ముందు తెలుసుకోవాల్సిన జాగ్రత్తలు
తతకిబషి(చాప్ స్టిక్స్ ని డ్రమ్స్ లా ఉపయోగించడం):
భోజన పళ్లెం మీద చాప్ స్టిక్స్ తో కొడుతూ ఉంటే వాళ్ళు మిమ్మల్ని అసహ్యంగా చూస్తారు. దుష్టశక్తులను, నెగెటివ్ ఎనర్జీని మీరు ఆహ్వానిస్తున్నట్టుగా వాళ్ళు అనుకుంటారు.
నేబురిబషి(చాప్ స్టిక్స్ ని నాలుకతో తాకడం)
ఒకవేళ మీరిలా చేస్తే జపాన్ వాళ్ళు మిమ్మల్ని అసహ్యించుకుంటారు. చాప్ స్టిక్స్ ని కేవలం ఆహారం తినడానికి మాత్రమే వాడాలి. అందుకే సూప్ వంటి వాటిని చాప్ స్టిక్స్ తో తినే ప్రయత్నం చేయవద్దు.
శశిబషి(చాప్ స్టిక్స్ తో అవతలివారిని చూపించడం)
దీన్ని వాళ్ళు నేరంగా పరిగణిస్తారు. అస్సలు ఒప్పుకోరు. మనదగ్గర వేలు చూపించి మాట్లాడితే ఎలా కోప్పడతామో అక్కడ వాళ్ళు చాప్ స్టిక్స్ తో చూపిస్తే అలా కోప్పడతారు.