Health Tips: వంటల్లో రుచి కోసమే కాదు ఆరోగ్యానికి మేలు చేసే కొత్తిమీర
ఈ వార్తాకథనం ఏంటి
కోటీశ్వరులు అయినా సరే, అనారోగ్యానికి గురైతే జీవితం నరకప్రాయంగా మారుతుంది. అందువల్ల వారు ఆరోగ్యంపై పెద్దగా దృష్టి సారిస్తారు.
ఎందుకంటే వ్యాధులకు పేద, ధనిక అనే తేడాలు లేవు. ఆరోగ్యం విషయంలో నిర్లక్ష్యం చూపించడం వల్ల అనేక సమస్యలు ఎదుర్కొనవలసి వస్తుంది.
సరిగ్గా ఆహారంలో పాలు, పండ్లు, ఆకు కూరలు, చిరు ధాన్యాలను చేర్చడం ఎంతో ముఖ్యం.
అలాగే, రోజూ వ్యాయామం కూడా చేయడం అవసరం. ఈ సమయంలో, వంటల్లో ఉపయోగించే కొత్తిమీర తినడం వల్ల అనేక ఆరోగ్య ప్రయోజనాలు ఉన్నట్లు నిపుణులు చెప్తున్నారు.
కొత్తిమీరతో అనేక రోగాలను చెక్ పెట్టగలమని వారు అభిప్రాయపడుతున్నారు.
వివరాలు
కొత్తిమీరతో అద్భుతమైన ఆరోగ్య ప్రయోజనాలు
కొత్తిమీరను కూరల్లో రుచి కోసం వాడుతాం. కొత్తిమీరతో కర్రీస్‌కి చాలా మంచి రుచి వస్తుంది.
కానీ, రుచి మాత్రమే కాకుండా కొత్తిమీరలో అనేక ఆరోగ్య ప్రయోజనాలు కూడా ఉన్నాయి.
పచ్చి కొత్తిమీర తినడం వల్ల కలిగే అద్భుతమైన ఆరోగ్య ప్రయోజనాలు ఏమిటి అనేది చూద్దాం.
కొత్తిమీరలో ఫైబర్‌, కార్బోహైడ్రేట్‌, మినరల్స్‌, కాల్షియం పుష్కలంగా ఉంటాయి. వీటితో పాటు ఫాస్పరస్‌, ఐరన్‌, కెరోటిన్‌, థయామిన్‌, పొటాషియం, విటమిన్‌-సీ కూడా ఉంది.
కొత్తిమీరను వంటల్లోనే కాకుండా, పచ్చిగా తినడం వల్ల కూడా చాలా ప్రయోజనాలు ఉంటాయి.
పచ్చి కొత్తిమీర తినడం వల్ల జీర్ణ సమస్యలు పరిష్కారమవుతాయి. మలబద్ధకం సమస్యతో బాధపడేవారికి ఇది అత్యంత ప్రయోజనకరమైన ఔషధం.
వివరాలు
కొత్తిమీరను మజ్జిగలో కలిపి తాగితే జీర్ణ సమస్యలు తగ్గుతాయి
పచ్చి కొత్తిమీరను మజ్జిగలో కలిపి తాగితే జీర్ణ సమస్యలు తగ్గుతాయి.
షుగర్‌ ఉన్న వారికీ పచ్చి కొత్తిమీర తినడం చాలా మంచి అలవాటు.
ప్రతిరోజూ కొంత పచ్చి కొత్తిమీరను నమిలి తింటే, రక్తంలో షుగర్‌ స్థాయిలు కంట్రోల్‌లో ఉంటాయి. పచ్చి కొత్తిమీర తినడం వల్ల శరీరంలో పేరుకుపోయిన కొవ్వును తగ్గించుకోవచ్చు.
ఇది గుండె ఆరోగ్యాన్ని పెంచుతుంది. పచ్చి కొత్తిమీర కళ్ల ఆరోగ్యానికి కూడా ఎంతో మంచిది.
కొత్తిమీర కేవలం వంటల్లో ఉపయోగించే పదార్థమే కాదు, ఔషధం గా కూడా ఉపయోగించవచ్చు. కొత్తిమీర మొక్క కాండం, ఆకులు, గింజలు అవి ఔషధ గుణాలు కలిగి ఉంటాయి.