Indrakeeladri: అపరాజితా విజయ రూపంలో శ్రీరాజరాజేశ్వరీగా దుర్గమ్మ దర్శనం
ఈ వార్తాకథనం ఏంటి
ఇంద్రకీలాద్రి దుర్గామల్లేశ్వర ఆలయంలో దసరా ఉత్సవాలు చివరి దశకు చేరుకున్నాయి. ఉత్సవాల చివరి రోజు, విజయదశమి సందర్భంగా భక్తులు అమ్మవారిని శ్రీ రాజరాజేశ్వరీ దేవిగా దర్శించుకుంటున్నారు. ఈ రోజు దుర్గమ్మను రాజరాజేశ్వరీ అలంకారంలో భక్తులు చూసేందుకు విపరీతమైన క్యూలైన్లలో తరలివచ్చారు. శనివారం రాత్రి జరిగే తెప్పోత్సవంతో ఈ ఉత్సవాలు ఘనంగా ముగుస్తాయి.
Details
శ్రీ చక్ర అధిష్టాన దేవతగా పూజలు
దసరా శరన్నవరాత్రి ఉత్సవాల్లో ఆశ్వయుజ శుద్ధ దశమి రోజున అమ్మవారిని శ్రీ రాజరాజేశ్వరీ దేవిగా అలంకరించడం గొప్ప విశేషం. ఈ దేవి స్వరూపం లలితా త్రిపురసుందరీ రూపం, శ్రీ చక్ర అధిష్టాన దేవతగా పూజిస్తారు. విజయదశమి అపరాజితాదేవి పేరుతో ప్రసిద్ధి చెందింది. దుర్గాదేవి అనేక కల్పాల్లో నానావిధ దుష్టశక్తులను సంహరించి భక్తులకు ఆనందాన్ని కలిగించిందని పురాణాలు చెబుతున్నాయి. అందుకే ఆమెను అపరాజితా అని, ఎల్లప్పుడూ విజయం సాధించేది కాబట్టి విజయా అని కూడా పిలుస్తారు.