పైల్స్ తో బాధపడుతున్నారా? ఈ యోగాసనాలు పనిచేస్తాయి
మూలశంఖ లేదా.. మొలలు.. అని పిలవబడే ఈ వ్యాధి తీవ్ర ఇబ్బందిని కలిగిస్తుంది. మలద్వారం వద్ద ఉబ్బడం, మల ద్వారం నుంచి రక్తం రావడం జరుగుతుంటుంది. ఈ పరిస్థితి తీవ్రంగా ఉంటే డాక్టర్ దగ్గరకు వెళ్లడం కంపల్సరీ. అయితే ఈ సమస్య తీవ్రతను కొన్ని యోగాసనాల ద్వారా కూడా తగ్గించవచ్చు. బాలాసనం ఈ ఆసనం వల్ల పైల్స్ నొప్పి తగ్గే అవకాశం ఉంటుంది. మోకాళ్ళ మీద కూర్చుని ఆ తర్వాత నెమ్మదిగా నడుము భాగాన్ని నేల మీదకు వంచాలి. ఈ సమయంలో రొమ్ము భాగం తొడలను తాకాలి. తల మాత్రం నేలను తాకేలా చూడాలి. ఇప్పుడు రెండు చేతులను తలకు సమాంతరంగా ముందు వైపుకు చాచాలి. లేదా వెనక్కి తిప్పుకొని పాదాలను పట్టుకోవాలి.
పైల్స్ ఇబ్బందిని తగ్గించే ఇతర యోగాసనాలు
విపరీత కారణి గోడకు దగ్గరగా వెల్లకిలా పడుకుని కాళ్ళను పైకి లేపాలి, పూర్తిగా కాళ్లు పైకి లేచిన తర్వాత నడుము భాగాన్ని కూడా పైకి లేపి చేతులతో పిరుదులను పట్టుకోవాలి. కొన్ని నిమిషాలు అలాగే ఉండి ఆ తర్వాత రిలాక్స్ అవ్వాలి. పవనముక్తాసనం మలద్వారం దగ్గర ఉబ్బిన ప్రాంతాన్ని తగ్గించడంలో ఈ ఆసనం ఉపయోగపడుతుంది. వెల్లకిలా పడుకుని మోకాళ్ళను వంచి రొమ్ము వైపు తెచ్చుకోవాలి. ఇప్పుడు రెండు కాళ్ళను రెండు చేతులతో గట్టిగా పట్టుకుని మీ తలను రెండు కాళ్ల మధ్యకు తీసుకెళ్లాలి. హలాసనం వెల్లకిలా పడుకుని కాళ్ళను గాల్లో పైకి లేపి అలానే కాళ్ళను తల వైపుకు తీసుకువచ్చి నేల మీద ఆనించాలి చేతులను నేల మీదే ఉంచి బ్యాలెన్స్ చేయాలి.
