Bathing: చలిలో స్నానం మానేస్తే నిజంగానే ఆయుష్షు పెరుగుతుందా?
ఈ వార్తాకథనం ఏంటి
చలికాలం వచ్చేసరికి స్నానం చేయడం చాలా మందికి పెద్ద సవాలుగా మారుతుంది. చల్లటి గాలులు, చలి వాతావరణం కారణంగా నీళ్లను ముట్టుకోవాలన్న ఆలోచనే ఒళ్లంతా వణుకు పుట్టిస్తుంది. అందుకే రోజువారీ స్నానం కూడా కొందరికి భయంగా మారుతుంది. వేడి నీటితో స్నానం చేసినా సరే, చలి తాకిడి మాత్రం తప్పదు. అయితే స్నానం పూర్తిగా మానేస్తే ఏమౌతుంది..? శరీరంపై చెమట పేరుకుపోయి మలినాలు చేరతాయి. ఇవి అలర్జీలు, చర్మ సమస్యలకు దారి తీస్తాయి. పైగా శరీరం నుంచి దుర్వాసన కూడా రావచ్చు. అందుకే ఎంత చలి అయినా సరే నిత్యం స్నానం చేయడం అవసరమే.
వివరాలు
చలికాలంలో స్నానం మానేస్తే ఆయుష్షు పెరుగుతుంది
ఇంకొకవైపు, శరీరాన్ని తరచుగా ఎక్కువగా కడుగుతూ స్నానం చేయడం వల్ల బయట నుంచి వచ్చే హానికర జీవాణువుల నుంచి రక్షణగా పనిచేసే సహజ నూనెల పొర తగ్గిపోతుందని కొందరు నిపుణులు తెలియజేస్తున్నారు. చలికాలంలో చర్మం ఇప్పటికే పొడిబారే అవకాశం ఎక్కువగా ఉంటుందన్నది వారి అభిప్రాయం. ఇదిలా ఉండగా, గతంలో "చలికాలంలో స్నానం మానేస్తే ఆయుష్షు పెరుగుతుంది" అన్న ఓ వార్త సోషల్ మీడియాలో హల్చల్ చేసింది. ఆ కథనం ప్రకారం శరీర ఉష్ణోగ్రత తగ్గితే జీవక్రియ మందగిస్తుందని, ఆక్సీకరణ ఒత్తిడి తగ్గడంతో వృద్ధాప్యం ఆలస్యమవుతుందని కొన్నిప్రయోగాల్లో కనిపించిందని పేర్కొన్నారు.
వివరాలు
అతిగా స్నానం చేయడం కూడా మంచిది కాదు
అయితే ఈ వాదనల్లో వాస్తవం లేదని ఆరోగ్య నిపుణులు స్పష్టం చేస్తున్నారు. వీటన్నీ కేవలం జంతువులపై నిర్వహించిన పరిశోధనల ఆధారమే తప్ప, మానవులపై ఇదే ప్రభావం ఉంటుందని నిరూపించే స్పష్టమైన సాక్ష్యాలు లేవని వారు తెలిపారు. పైగా అతిగా స్నానం చేయడం కూడా మంచిది కాదని, అలా చేస్తే చర్మంపై ఉండే మేలైన సూక్ష్మజీవ అవసర సమతుల్యత దెబ్బతిని సహజ రక్షణ తగ్గుతుందంటున్నారు. అలాగే స్నానం పూర్తిగా మానేయడం వల్ల పరిశుభ్రత లోపించి ఇన్ఫెక్షన్లు రావడానికి అవకాశం ఉంటుందని హెచ్చరిస్తున్నారు.