Ginger Tea: అల్లంలోని ఔషధ గుణాలు ఆరోగ్యానికి ఎంతో మేలు.. ఈ చాయ్ రోజు తాగితే అనేక ఆరోగ్య ప్రయోజనాలు!
ఈ వార్తాకథనం ఏంటి
అల్లం వంటల్లో తరచూ వాడే పదార్థంగా మనం చూస్తూనే ఉంటాం. కానీ సంప్రదాయ వైద్యాలలో కూడా అల్లంను విరివిగా ఉపయోగిస్తారు. అల్లం లోని ఔషధ గుణాలు శరీరానికి అనేక లాభాలను అందిస్తాయి. అల్లం చాయ్ రోజూ తాగితే ఎలాంటి ఆరోగ్య ప్రయోజనాలు లభిస్తాయో ఇప్పుడు చూద్దాం.
వివరాలు
చాయ్ తో సక్రమంగా రక్త ప్రసరణ
అల్లం గొప్ప ఔషధ గుణాల కలిగిన పదార్థంగా ఇంట్లో అందరికీ తెలిసినదే. అల్లం చాయ్ వల్ల శరీరానికి ఎన్నో ప్రయోజనాలు కలుగుతాయి. అల్లంలో విటమిన్ సి, మెగ్నిషియం, ఇతర ముఖ్యమైన ఖనిజాలు ఉండటంతో ఈ చాయ్ ఆరోగ్యానికి మంచిది. ప్రత్యేకంగా ఉదయాన్నే ఈ చాయ్ తాగితే రక్త ప్రసరణ సక్రమంగా ఉంటుంది. దూర ప్రయాణాల్లో వాంతులు వచ్చే సమస్య ఉన్నవారికి అల్లం చాయ్ ఉపశమనం ఇస్తుంది. చలికాలంలో జలుబు, దగ్గు వంటి సమస్యలు తలెత్తినప్పుడు కూడా అల్లం టీ మంచిది.
వివరాలు
చెడు కొలెస్ట్రాల్‌ను దూరం చేసి గుండెకు రక్షణ
అజీర్తితో బాధపడేవారు ఈ చాయ్‌ను తరచూ తాగితే జీర్ణవ్యవస్థ మెరుగుపడుతుంది. అలాగే కీళ్ల నొప్పులు, ఒళ్లు నొప్పుల బాధలు ఉన్నవారికి కూడా ఉపశమనం కలిగిస్తుంది. మహిళలకు పీరియడ్స్ సమయంలో వచ్చే నొప్పులను తగ్గిస్తుంది. ఇది రోగనిరోధక శక్తిని పెంచుతుంది. ఈ చాయ్ తాగడం ద్వారా ఒత్తిడి తగ్గిపోతుంది, చెడు కొలెస్ట్రాల్‌ను దూరం చేసి గుండెకు రక్షణ కల్పిస్తుంది. అల్లం చాయ్‌ను తక్కువ మోతాదులో తాగడం ఆరోగ్యానికి మేలు చేస్తుంది, కానీ ఎక్కువగా తీసుకుంటే తగిన జాగ్రత్తలు పాటించాలి.