Dubai Realtor: హోర్ముజ్ జలసంధి వ్యూ అంటూ దుబాయ్ విల్లాల అమ్మకం.. వైరల్ వీడియోపై విమర్శలు
ఈ వార్తాకథనం ఏంటి
దుబాయ్లో లగ్జరీ విల్లాలను హోర్ముజ్ జలసంధి వ్యూ పేరుతో అమ్మకానికి పెట్టిన ఓ వీడియో నెట్టింట వైరల్గా మారి పెద్ద చర్చకు దారితీసింది. పశ్చిమ ఆసియాలో ఉద్రిక్తతలు పెరుగుతున్న సమయంలో, ఇండియా ఆధారిత రియల్టర్ అబూబకర్ సిద్ధిఖ్ ఈ విల్లాలను ప్రమోట్ చేస్తూ "ఇంట్లో కూర్చొని హోర్ముజ్ ప్రాంత పరిస్థితిని గమనించవచ్చు" అని చెప్పడం వివాదాస్పదమైంది. నౌకలు స్వేచ్ఛగా కదులుతున్నాయంటే పరిస్థితి సర్దుకుందని అర్థమని చెప్పుతూ, అదే అంశాన్ని సేల్స్ పాయింట్గా చూపించాడు.
వివరాలు
దుబాయ్ నుంచి హోర్ముజ్ జలసంధి ఎంతవరకు కనిపిస్తుందో?
వీడియో వైరల్ కావడంతో నెటిజన్లు తీవ్రంగా స్పందించారు. గ్లోబల్ సంఘర్షణలను కూడా మార్కెటింగ్ కోసం ఉపయోగించడం సరైందా అంటూ పలువురు ప్రశ్నించారు. కొందరు వ్యంగ్యంగా "మిస్సైల్, బాంబ్ వ్యూ విల్లాలు" అంటూ వ్యాఖ్యానించగా, మరికొందరు బుర్జ్ ఖలీఫా లాంటి ప్రదేశాల వ్యూస్ చెప్పడం సహజమే కానీ యుద్ధ ప్రాంతాన్ని అమ్మకాల పాయింట్గా చూపించడం అతిగా ఉందన్నారు. ఇంకొందరు మాత్రం రియల్ ఎస్టేట్, స్టాక్ మార్కెట్ రంగాలు పరిస్థితులకు తగ్గట్టు కథనాలు మార్చుకుంటాయని పేర్కొన్నారు. హోర్ముజ్ జలసంధి నిజంగా దుబాయ్ నుంచి ఎంతవరకు కనిపిస్తుందో కూడా సందేహాలు వ్యక్తం చేస్తూ, ఇలాంటి మార్కెటింగ్ ట్రిక్స్కి మోసపోవద్దని హెచ్చరించారు.