Chia Seeds Pudding: ఉదయాన్నే చియా సీడ్స్ పుడ్డింగ్ తింటే.. రోజంతా ఎనర్జీ, ఫిట్‌నెస్!
ఈ వార్తాకథనం ఏంటి
ఉదయాన్నే రుచికరమైన, ఆరోగ్యానికి మంచిది అయిన అల్పాహారం తినాలని అందరికీ ఉంటుంది. ముఖ్యంగా తియ్యటి ఆహారం అంటే మరింత ఇష్టపడతారు. కానీ ఆరోగ్యం గురించి ఆలోచించి తీపి తినడానికి భయపడేవాళ్లు కూడా ఉన్నారు. కొంతమంది రుచికరమైనవి తింటే ఆరోగ్యానికి మంచిది కాదనుకుంటారు. మరికొందరు బరువు పెరిగే ప్రమాదం ఉందనుకొని తీపి తినకుండా ఉండిపోతారు. మీరు కూడా అలాంటి వారైతే, ఈ చియా సీడ్స్ పుడ్డింగ్ మీ కోసమే. చియా సీడ్స్ పుడ్డింగ్ రుచిలో అద్భుతమైనదే కాకుండా, ఆరోగ్యానికి ఎంతో మేలు చేస్తుంది. బరువు తగ్గాలనుకునేవాళ్లు, రోజంతా ఉల్లాసంగా ఉండాలనుకునేవాళ్లు దీన్ని తప్పకుండా ట్రై చేయాలి. ఒకసారి తయారు చేసి చూశారంటే, ప్రతిరోజూ దీన్నే అల్పాహారంగా తీసుకోవాలని అనిపిస్తుంది.
Details
చియా సీడ్స్ పుడ్డింగ్ తయారీకి కావాల్సిన పదార్థాలు
పాలు - 1 కప్పు చియా గింజలు - 1 టేబుల్ స్పూన్ రాగి పిండి - 1 టేబుల్ స్పూన్ యాలకుల పొడి - ¼ టేబుల్ స్పూన్ తేనె - 1 టేబుల్ స్పూన్ అరటిపండు - సరిపడా ముక్కలు యాపిల్ - ముక్కలు దానిమ్మ గింజలు - కావాల్సినంత బాదం పప్పు - తరిగినవి పిస్తా పప్పు - తరిగినవి ఇష్టమైన పండ్లు & నట్స్ - రుచికి అనుగుణంగా
Details
తయారీ విధానం
1. ముందుగా ఒక కప్పు పాలను తీసుకుని, దాంట్లో చియా గింజలు వేసి రాత్రంతా నానబెట్టాలి. 2. ఉదయం ఒక చిన్న బౌల్ తీసుకుని, దాంట్లో కొన్ని నీళ్లు పోసి అందులో రాగి పిండి వేసి, గడ్డలు లేకుండా బాగా కలపాలి. 3. ఇప్పుడు ఒక గిన్నె తీసుకుని, దాంట్లో మూడు కప్పుల నీరు పోసి వేడి చేయాలి. 4. నీరు వేడెక్కిన తర్వాత, ముందుగా కలిపి పెట్టుకున్న రాగి పిండి మిశ్రమాన్ని దాంట్లో పోసి కలుపుతూ ఉండాలి. 5. రాగి జావ చిక్కబడ్డాక, దాంట్లో యాలకుల పొడి వేసి, మరో నిమిషం పాటు ఉడికించాలి.
Details
తయారీ విధానం
6. స్టవ్ ఆఫ్ చేసి, మిశ్రమాన్ని ఒక కప్పులోకి పోయాలి. 7. ఆ తర్వాత, రాత్రంతా నానబెట్టిన చియా గింజలను ఆ కప్పులో వేయాలి. 8. మీ రుచికి తగ్గట్టుగా తేనెను జోడించాలి. 9. దీంట్లో అరటిపండు ముక్కలు, యాపిల్ ముక్కలు, దానిమ్మ గింజలు వేసి మిక్స్ చేయాలి. 10. చివరగా, బాదం, పిస్తా వంటి డ్రై ఫ్రూట్స్ తరిగి గార్నిష్ చేసుకుంటే, హెల్తీ & టేస్టీ చియా సీడ్స్ పుడ్డింగ్ రెడీ!
Details
చియా సీడ్స్ పుడ్డింగ్ ఆరోగ్య ప్రయోజనాలు
ఇది విటమిన్లు, పోషకాలతో పాటు ఫైబర్, యాంటీ ఆక్సిడెంట్లు అందిస్తుంది. బరువు తగ్గాలనుకునేవారికి ఇది సూపర్ ఫుడ్‌లా పని చేస్తుంది. ఇది పిల్లల నుంచి పెద్దల వరకు ప్రతి రోజూ తినేందుకు పర్ఫెక్ట్ బ్రేక్‌ఫాస్ట్. రోజంతా ఉత్సాహంగా & హుషారుగా ఉండేలా సహాయపడుతుంది. ఎన్నో రకాల వ్యాధుల ప్రమాదాలను తగ్గించే అద్భుతమైన ఆహారం. ఇప్పుడు మీరు కూడా ఈ రెసిపీ ట్రై చేసి ఆరోగ్యకరమైన మార్నింగ్ బ్రేక్‌ఫాస్ట్‌ను ఎంజాయ్ చేయండి!