EMOM వర్కౌట్: ఒక నిమిషంలో రెస్ట్ తీసుకునే వీలున్న ఈ వ్యాయామం గురించి తెలుసుకోండి
వ్యాయామంలో చాలా రకాలుంటాయి. EMOM వర్కౌట్ కూడా అందులో ఒకటి. ఈ వర్కౌట్ కొంచెం కొత్తగా ఉంటుంది. EMOM అంటే ఎవ్రీ మినిట్ ఆన్ ద మినిట్ అని అర్థం. అంటే ఒక నిమిషం లోపలే ఒక వ్యాయామాన్ని పూర్తిచేసి, ఆ నిమిషం అయ్యేదాకా రెస్ట్ తీసుకోవాలని అర్థం. దీన్ని మరింత స్పష్టంగా చెప్పాలంటే, ఉదాహరణకు మీరు 30సెకన్లలో 20 పుష్ అప్స్ చేసారనుకుందాం. మిగతా 30సెకన్లు రెస్ట్ తీసుకోవాలి. ఆ తర్వాత మరో నిమిషంలో మరో ఎక్సర్ సైజ్ కి వెళ్ళవచ్చు, లేదా చేసిందే మళ్ళీ రిపీట్ చేయవద్దు. ఈ వ్యాయామం చేసేటపుడు చాలా చురుగ్గా ఉండాలి. నిమిషం నిమిషానికి వ్యాయామం చేస్తూనే ఉండాలి.
గుండె ఆరోగ్యాన్ని మెరుపరిచే EMOM వర్కౌట్స్
EMOM వర్కౌట్స్ చేయాలనుకునే వారు ఎలాంటి వ్యాయామాలు చేయాలంటే: స్క్వాట్స్, క్రంచెస్, ఇంచ్ వార్మ్స్, జంపింగ్ జాక్స్, జంప్ స్క్వాట్స్, మౌంటేన్ క్లయింబర్స్, పుషు అప్స్, పుల్ అప్స్, స్టెప్ అప్స్ వంటి వ్యాయామాలు చేయవచ్చు. మీ సౌకర్యాన్ని ఏ వ్యాయామాన్ని ఎన్నిసార్లు రిపీట్ చేయాలనేది మీరు డిసైడ్ అవ్వాలి. ఒక నిమిషంలో కనీసం 15సెకన్లు లేదా 20సెకన్లు విశ్రాంతి దొరికేలా చూసుకోండి. లాభాలు: ఈ వర్కౌట్స్ చేయడం వల్ల గుండె ఆరోగ్యం మెరుగుపడుతుంది. ఊపిరితిత్తులు బలంగా మారతాయి. శరీర జీవక్రియను, మీలో చురుకుదనాన్ని పెంచుతుంది. ఈ వ్యాయామాలు చేసేటపుడు స్టాప్ వాచ్, గోడగడియారం మీ దగ్గరుండాలి.