కంటి సంరక్షణ: ఉప్పునీరు, వేడినీటిలో తడిసిన గుడ్డ, గ్రీన్ టీ బ్యాగ్ కంటికి చేసే మేలు
ఈ వార్తాకథనం ఏంటి
సర్వేంద్రియాణాం నయనం ప్రధానంఅంటారు. అన్ని అవయవాల్లోకెల్లా కళ్ళు అత్యంత ముఖ్యమైనవని దానర్థం. కళ్ళకు చాలా రకాల ఇన్ఫెక్షన్లు వస్తాయి.
కంటి శుక్లాల దగ్గర నుండి గ్లకోమా దాకా అనేక ఇబ్బందులు వస్తుంటాయి. వీటివల్ల కంటిచూపు తగ్గిపోవడం, మసక మసగ్గా కనిపించడం, ఒక్కోసారి పూర్తి చూపు కోల్పోవడం జరుగుతుంటుంది.
అందుకే కళ్ళను ఎప్పటికప్పుడు జాగ్రత్తగా చూసుకోవాలి. దీనికోసం కొన్ని ఇంటిచిట్కాలు పని చేస్తాయి.
ఉప్పునీరు: కంట్లో పేరుకున్న చెత్తను శుభ్రం చేయడంలో ఉప్పునీరు ప్రముఖ పాత్ర వహిస్తుంది. కన్నీళ్ళ మాదిరిగా ఇది కూడా కళ్ళను శుభ్రం చేస్తుంది. మరిగిన నీళ్ళను చల్లార్చి అందులో ఉప్పును కలిపాలి. ఆ తర్వాత దూదిని అందులో ముంచి కళ్ళను తుడవాలి.
కంటి సంరక్షణ
కంటి సంరక్షణకు ఉపయోగపడే ఇంటి చిట్కాలు
గ్రీన్ టీ బ్యాగ్: కన్ను ఉబ్బడం నుండి గ్రీన్ టీ బ్యాగ్ రక్షిస్తుంది. కళ్ళు ఎర్రగా మారినపుడు గ్రీన్ టీ బ్యాగ్ పనిచేస్తుంది. చల్లగా ఉన్న గ్రీన్ టీ బ్యాగులను కన్నుల మీద పెట్టడం వల్ల కంటిలో కలిగే చిరాకు దూరమై హ్యాపీగా ఉంటుంది.
వేడిగుడ్డ: కళ్ళు పొడిబారడం వల్ల కనుగుడ్ల చుట్టూరా ఒక పొర లాగా ఏర్పడుతుంది. ఇది ఏర్పడకుండా ఉండడానికి వేడిగుడ్డ హెల్ప్ చేస్తుంది. గోరువేచ్చని నీళ్ళలో గుడ్డను ముంచి కన్ను మీద 2-4నిమిషాల పాటు ఉంచాలి.
ఆముదం నూనె: కళ్ళు ఉబ్బినపుడు దీన్నుండి మంచి రిలాక్స్ పొందవచ్చు. ఆముదం నూనెను కంటి చుట్టూరా మర్దన చేసుకుని గోరువెచ్చని నీటిలో తడిపిన గుడ్డను 10నిమిషాల పాటు కళ్ళమీద ఉంచాలి.