Health Tips: ఆహరం తిన్న వెంటనే అసౌకర్యంగా ఉందా? ఈ తప్పులు చెయ్యొద్దు!
ఈ వార్తాకథనం ఏంటి
ఆహారం మన ఆరోగ్యంపై కీలక ప్రభావం చూపుతుంది. పౌష్టికాహారం తీసుకుంటే ఆరోగ్య సమస్యలు తలెత్తవు, కానీ చాలా మంది ఆహారం తీసుకునేటప్పుడు కొన్ని తప్పులను చేస్తుంటారు.
వేగంగా తినడం, నమలకుండా ఆహారం తీసుకోవడం, జీర్ణం కాని ఆహార పదార్థాలను తీసుకోవడం వంటివి అనేక సందర్భాల్లో కలత కలిగిస్తాయి.
ఈ కారణంగా ఆహారం తినడంతో కడుపు ఉబ్బరంగా అనిపించవచ్చు, జీర్ణ సంబంధిత సమస్యలు ఏర్పడతాయి. ఈ సమస్యల నుంచి బయటపడాలంటే ఆహారం తీసుకునేటప్పుడు కొన్ని ముఖ్యమైన చిట్కాలను పాటించాలి.
కొంతమందికి, కాస్త ఆహారం తీసుకున్నా, కడుపు నిండుగా అనిపిస్తుంది.
Details
నిర్లక్ష్యం చేస్తే సమస్యలు తప్పవు
మరికొందరికి వేగంగా తినడం లేదా అధికంగా ఆహారం తీసుకోవడం వల్ల ఈ సమస్య తలెత్తుతుంది. కడుపు ఉబ్బరాన్ని నిర్లక్ష్యం చేస్తే, దీర్ఘకాలంలో అది వివిధ ఆరోగ్య సమస్యలకు దారితీస్తుంది.
ఈ సమస్యల నుంచి ఉపశమనం పొందేందుకు కొన్ని చిట్కాలు పాటించడం చాలా ముఖ్యమై ఉంటుంది.
ఆహారం తీసుకునే ముందు లేదా తర్వాత అధికంగా పండ్లు తినకూడదు, ఎందుకంటే ఇవి కడుపులో గ్యాస్ ఏర్పడటానికి కారణం కావచ్చు.
అలాగే ఆహారం తిన్న వెంటనే వాకింగ్ చేయడం కూడా మంచిది కాదు. 10 నిమిషాల తర్వాత వాకింగ్ చేయడం వల్ల జీర్ణ ప్రక్రియ సురక్షితంగా జరగుతుంది.
Details
కూల్ డ్రింక్స్ తీసుకోవడం కూడా నివారించాలి
తిన్న తర్వాత సోడాలు లేదా కూల్ డ్రింక్స్ తీసుకోవడం కూడా నివారించాలి. వాటిలో ఉన్న కార్బన్ డయాక్సైడ్ కడుపులో గ్యాస్ సృష్టించి, ఉబ్బరాన్ని పెంచుతుంది.
ఆహారం తినేటప్పుడు బాగా నమిలి తినడం చాలా ముఖ్యం. కనీసం 32 సార్లు నమిలి తినాలని పెద్దలు సూచిస్తారు.
రాత్రి సమయంలో తేలికగా జీర్ణమయ్యే ఆహార పదార్థాలను తీసుకోవాలి.
క్యాలి ఫ్లవర్, క్యాబేజి, ఉల్లిపాయ, వెల్లుల్లి, బటానీలు, దుంపలు వంటి ఆహార పదార్థాలను రాత్రి తీసుకోవడం మంచిది కాదు.