Dussehra 2025: దసరా ఉత్సవాల్లో తప్పక వినిపించే ఐదు సినీ గీతాలివే!
ఈ వార్తాకథనం ఏంటి
దసరా పండుగ సందర్భంగా అమ్మవారి గీతాల ప్రాధాన్యత అద్భుతంగా ఉంటుంది. నవరాత్రుల ఉత్సవాల్లో ఉదయం భక్తి కార్యక్రమాలతో పాటు సాయంత్రం సామాజిక, కళారూపాల ప్రదర్శనలు కూడా జరుపుకుంటారు. రాధయాత్రలు, గర్బా నృత్యాలు, స్థానిక నృత్యాలు, సినిమాలలో అమ్మవారి పాటలకు ఇచ్చే ప్రాధాన్యత వంటి అంశాలు పండుగ వేళల్లో మరింత హైప్‌ను ఇస్తాయి. ఈ సందర్భంలో ప్రాచుర్యం పొందిన కొన్ని అమ్మవారి పాటలు ఇలా ఉన్నాయి:
Details
1. మహా కనకదుర్గ విజయ కనకదుర్గ - దేవుళ్లు
పరాశక్తి లలితా శివానంద చరితాను వివరించే ఈ పాట దేవుళ్లు సినిమాలో ఉంది. జొన్నవిత్తుల రామలింగేశ్వర రావు రాసిన లిరిక్స్, వందేమాతరం శ్రీనివాస్ సంగీతం, జానకీ ఆలాపనతో రూపొందిన ఈ పాట రమ్యకృష్ణపై చిత్రీకరించబడింది. 2. అమ్మ భవాని లోకలనేలే ఓంకార రూపం అమ్మ - శివరామరాజు తల్లి భవానీ మహిమను వివరించే ఈ పాట శివరామరాజు సినిమాలోనిది. ఎస్ ఏ రాజుకుమార్ సంగీతంలో ఎస్పీ బాలు ఆలపించారు. జగపతి బాబు, శివాజీ, వెంకట్‌లపై ఈ పాట చిత్రీకరణ జరిగింది.
Details
3. అమ్మ.. అమ్మోరు తల్లో - అమ్మోరు
రమ్యకృష్ణ దేవతగా ఉన్న అమ్మోరు సినిమాలోని ఈ పాట సౌందర్య, సురేష్ హీరోహీరోయిన్ల మధ్య సాగే అద్భుతమైన భక్తిగీతం. రసరాజు లిరిక్స్, శ్రీనివాస చక్రవర్తి సంగీతం ఇందులో ప్రధానంగా ఉన్నాయి. 4.అయిగిరి నందిని నందిత మేదిని-సప్తపది ఆది శంకరాచార్యులు కీర్తించిన ఈ భక్తిగీతం సప్తపది సినిమాలో కేవీ మహదేవన్ సంగీతంలో, ఎస్పీ బాలసుబ్రహ్మణ్యం ఆలాపనలో ప్రసిద్ధి చెందింది. ఈ పాట దసరా ఉత్సవాల్లో ఇప్పటికీ వినిపిస్తూ భక్తులను ఆకట్టుకుంటుంది. 5.దసరా వచ్చిందయ్యా.. సరదా తెచ్చిందయ్యా.. -లారీ డ్రైవర్ దసరా పండుగ ఉత్సాహాన్ని ప్రతిబింబించే ఈ పాట చక్రవర్తి సంగీతంలో ఎస్పీ బాలసుబ్రహ్మణ్యం, కె.ఎస్. చిత్ర ఆలాపనతో ప్రసిద్ధి చెందింది. బాలకృష్ణ, విజయశాంతి స్టెప్పులు ఈ పాటకు ప్రత్యేక ఆకర్షణను ఇచ్చాయి.