మీరు ఇష్టంగా తినే జిలేబీ, గులాబ్ జామూన్ భారతదేశానివి కావని మీకు తెలుసా?
ఈ వార్తాకథనం ఏంటి
భారతదేశంలో భిన్న సంస్కృతులు, భిన్న ఆచారాలు, సాంప్రదాయాలు కనిపిస్తుంటాయి. తినే ఆహారం విషయంలోనూ భిన్నమైన వెరైటీలు దర్శనమిస్తుంటాయి.
అలాగే ఇండియాలో స్ట్రీట్ ఫుడ్ అనేది చాలా ఫేమస్. అయితే మీకిది తెలుసా?
స్ట్రీట్ ఫుడ్స్ లో ప్రస్తుతం బాగా పాపులర్ గా ఉన్న కొన్ని ఆహారాలు మన దేశానికి చెందినవి కావని విషయం మీకు తెలుసా?
యెస్, మీరు విన్నది కరెక్టే. ప్రస్తుతం మన దేశానికి సంబంధించినవి కానటువంటి స్ట్రీట్ ఫుడ్స్ గురించి తెలుసుకుందాం.
సమోస:
సమోసాలు మిడిల్ ఈస్ట్ నుండి భారతదేశానికి దిగుమతి అయ్యాయి. 13, 14 శతాబ్దాల కాలంలో ఢిల్లీ సుల్తానుల దగ్గర పనిచేసిన మిడిల్ ఈస్ట్ వంటవారు సమోసాను ఇండియాకు పరిచయం చేశారు.
Details
మొఘలుల కాలంలో పరిచయం అయిన స్ట్రీట్ ఫుడ్
జిలేబి:
ఈ మాట చెప్పగానే చాలామందికి నోరు ఊరుతుంది. దీన్ని కూడా మిడిల్ ఈస్ట్ నుండి దిగుమతి చేసుకున్నాం. నిజానికి దీని అసలు పేరు జలబియా (అరబిక్) పర్షియాలో జలిబియా అంటారు. 15వ శతాబ్దంలో భారతదేశానికి జిలేబి పరిచయమయ్యింది.
గులాబ్ జామున్:
దీన్ని పర్షియా నుండి దిగుమతి చేసుకున్నాం. పర్షియాలో గోల్ అంటే పువ్వు అని అబ్ అంటే నీరు అని అర్థం. మన దేశాన్ని మొఘలులు పరిపాలించినప్పుడు గులాబ్ జామున్ భారతదేశానికి పరిచయం అయ్యింది.
మోమోస్:
ఢిల్లీ వీధుల్లో మామోస్ అంటే పడి చచ్చేవారు చాలామంది ఉంటారు. కొన్ని అధ్యయనాల ప్రకారం మొమోస్ ని టిబెట్ ప్రజలు తినే వారట. ఆ తర్వాత నేపాల్, ఇండియాకు మెమోస్ అలవాటు అయిందని చెబుతారు.