Nuts: గింజలను ఏ విధంగా తింటే ఆరోగ్యానికి మంచిదో తెలుసుకోండి
ఈ వార్తాకథనం ఏంటి
బాదం, వాల్ నట్స్, పిస్తా, జీడిపప్పు, వేరుశనగ మొదలగు గింజలు ఆరోగ్యానికి మేలు చేస్తాయి. అయితే వీటిని ఎలా తినాలో చాలా మందికి అర్థం కాదు. ప్రస్తుతం గింజలను ఏ విధంగా తినాలో తెలుసుకుందాం. బాదం: 4- 5బాదం గింజలను రాత్రిపూట నానబెట్టి తెల్లారి లేవగానే తొక్క తీసివేసి తినాలి. బాదంలలో చెడుకొవ్వును తగ్గించే పోషకాలు పుష్కలంగా ఉంటాయి. బాదం తినడం వల్ల గుండె ఆరోగ్యం మెరుగుపడుతుంది. అయితే బాదంలను నూనెలో వేయించి తినకూడదని గుర్తుంచుకోండి. వేరుశనగ: వేరుశనగల్లో ఒమేగా 3 కొవ్వు ఆమ్లాలు ఉంటాయి. అంతేకాదు, వేరుశనగల్లోని పోషకాలు గుండె జబ్బులను నివారిస్తాయి. వేరుశనగలను ఉడికించి లేదా నానబెట్టి తీసుకోవడం మంచిది.
Details
రోగనిరోధక శక్తిని పెంచే పిస్తా
వాల్ నట్స్: గుండెకు ఆరోగ్యాన్ని అందించడంలో వాల్ నట్స్ ఎంతగానో మేలు చేస్తాయి. నానబెట్టిన 2 వాల్ నట్స్ ని రోజూ తినడం వల్ల గుండెకు మేలు కలుగుతుంది. అంతేకాదు, వాల్ నట్స్ కారణంగా జీర్ణక్రియ మెరుగవుతుంది. పిస్తా: రక్తంలో చక్కెర స్థాయిలను నియంత్రణలో ఉంచడం నుండి రోగనిరోధక శక్తిని పెంచడం వరకు పిస్తా పప్పు ఉపయోగపడుతుంది. ప్రతీరోజూ ఉదయం పూట బ్రేక్ ఫాస్ట్ సమయంలో 5పిస్తా పప్పులను తినడం మంచిది. జీడిపప్పు: దీనిలో ప్రోటీన్లు, మంచికొవ్వులు, జింక్, మెగ్నీషియం వంటి పోషకాలు ఉంటాయి. ప్రతిరోజూ 5కాల్చిన జీడిపప్పు గింజలను తింటే ఆరోగ్యానికి మేలు కలుగుతుంది.