గోవా వెళ్లాలనుకుంటున్నారా? కార్నివల్ లో జరిగే ప్రాంక్ సాంప్రదాయం గురించి తెలుసుకోండి
ఈ వార్తాకథనం ఏంటి
పర్యటకులను ఆకర్షించడానికి రకరకాల ప్రయత్నాలు చేస్తుంది గోవా. అందులో భాగంగానే గోవా కార్నివాల్ ని తీసుకువచ్చేస్తోంది. కళలు, సాంప్రదాయాలు, వినోదం, ఆహారం ఇలా ఎన్నో రకాల ఆకర్షణలు గోవా కార్నివాల్లో మిమ్మల్ని కనువిందు చేస్తాయి.
ఈ కార్నివాల్ ఫిబ్రవరి 18వ తేదీ నుండి 21వ తేదీ వరకు ఉంటుంది.
కార్నివాల్ చరిత్ర:
ఈ కార్నివాల్ ని మొదటగా మొదలుపెట్టింది పోర్చుగీసువారు. 500 సంవత్సరాల క్రితం గోవాను పోర్చుగీసు వారు పరిపాలించారు. అప్పట్లో కేథలిక్స్ మాత్రమే ఈ కార్నివాల్లో పాల్గొనేవారు, కానీ ఇప్పుడు అవన్నీ మారిపోయి మతాలకు అతీతంగా ఈ కార్నివాల్ ని జరుపుతున్నారు.
డాన్స్, మ్యూజిక్, డ్రింక్స్. ఇలా ఆహ్లాదపరిచే అన్ని హంగులు కార్నివాల్ లో కనిపిస్తాయి.
గోవా కార్నివాల్ 2023
స్నేహితులను ప్రాంక్ చేసే సాంప్రదాయం కలిగిన కార్నివాల్
నాలుగు రోజుల పాటు సాగే ఈ కార్నివాల్, పంజిం, వాస్కోడిగామా, మాపుసా, మార్గావ్ లోని బీచ్ లలో జరుగుతుంది. అందువల్ల ఈ నాలుగు బీచ్ లను చాలా అందంగా తయారు చేస్తారు.
వినోదానికి చిరునామాగా ఉండే ఈ కార్నివాల్, ఈ సంవత్సరం కూడా అదే తరహాలో సిద్ధమైంది. ఎక్కడ చూసినా రంగురంగుల బట్టలు ధరించిన మనుషులు, మేకప్ లతో మెరిసే జనాలు, ఆహ్లాదపరిచే సంగీతం, కనువిందు చేసే డ్యాన్సులు, కడుపు నింపే గోవా ఆహారం ప్రధాన ఆకర్షణ.
ఈ కార్నివాల్ లో అస్సాల్టీస్ అనే సంప్రదాయం కనిపిస్తుంది. కార్నివాల్ రోజుల్లో మొహానికి వింతగా మేకప్ వేసుకుని, తమ ఫ్రెండ్స్ ఇంటికి వెళ్తారు. ఒకవేళ ఆ ఫ్రెండ్.. వీళ్ళని గుర్తుపట్టకపోతే పార్టీ ఇవ్వాల్సి ఉంటుంది.