GBS: గులియన్ బారే సిండ్రోమ్ కలకలం.. అప్రమత్త అవసరం
ఈ వార్తాకథనం ఏంటి
కరోనా మహమ్మారి ప్రభావం ఇప్పటికీ మర్చిపోలేని స్థాయిలో ఉంది. అయితే ఇప్పుడు మరో కొత్త వైరస్ గులియన్ బారే సిండ్రోమ్ ఆందోళన కలిగిస్తోంది.
దేశవ్యాప్తంగా GBS కేసులు పెరుగుతుండటంతో ప్రజలు భయాందోళన చెందుతున్నారు. మహారాష్ట్ర, పశ్చిమ బెంగాల్ రాష్ట్రాల్లో ఇప్పటికే GBS పాజిటివ్ కేసులు నమోదయ్యాయి.
తాజాగా తెలంగాణలో కూడా ఈ వ్యాధి ప్రభావం కనిపిస్తోంది. హైదరాబాద్‌లో శుక్రవారం నమోదైన కేసులో, సిద్దిపేటకు చెందిన ఓ మహిళ GBS బారిన పడినట్టు వైద్యులు నిర్ధారించారు.
ప్రస్తుతం ఆమెను ఓ ప్రైవేట్ ఆసుపత్రిలో వెంటిలేటర్‌పై చికిత్స అందిస్తున్నారు.
Details
GBS లక్షణాలు - ఏమేం ఉంటాయి?
గులియన్ బారే సిండ్రోమ్ కలుషిత ఆహారం, బ్యాక్టీరియా, వైరల్ ఇన్ఫెక్షన్ల వల్ల కలిగే వ్యాధి. ఈ వ్యాధి లక్షణాలు క్రిందివిగా ఉంటాయి
జ్వరం, వాంతులు
శరీరంలో తిమ్మిర్లు, నీరసం డయేరియా,
పొత్తికడుపు నొప్పి కండరాల బలహీనత
ఈ లక్షణాలు కనిపించిన వెంటనే వైద్యుల్ని సంప్రదించాలి.
GBS గురించి వైద్య నిపుణుల హెచ్చరికలు
GBS ప్రధానంగా కలుషిత ఆహారం ద్వారా వ్యాపించే వ్యాధి. వైరల్ ఇన్ఫెక్షన్, బ్యాక్టీరియా ప్రభావంతో రోగనిరోధక శక్తి బలహీనంగా ఉన్నవారికి ఈ వ్యాధి వచ్చే అవకాశాలు ఎక్కువగా ఉంటాయి.
అయితే ప్రజలు అత్యధిక భయాందోళన చెందాల్సిన అవసరం లేదని వైద్యులు చెబుతున్నారు.
GBS అంటువ్యాధి కాదు. అలాగే సమయానికి చికిత్స తీసుకుంటే పూర్తిగా నయం అవుతుంది.
Details
వ్యాధి ఎలా ప్రబలుతుంది?
GBS వైరస్ సోకిన తర్వాత ఒకటి లేదా రెండు వారాల్లో** వ్యాధి లక్షణాలు బయటపడతాయి. అరుదుగా ఇన్‌ఫ్లూయెంజా, టెటనస్ టీకాలు కూడా గులియన్ బారే సిండ్రోమ్‌కు దోహదం చేయవచ్చని వైద్యులు చెబుతున్నారు. కరోనా లాగే ఇది ఒక పెద్ద మహమ్మారి కాదు, కానీ అప్రమత్తంగా ఉండడం మంచిది.
సకాలంలో వైద్యం అందితే ముప్పు లేదు
GBS వల్ల మహారాష్ట్రలో 130కి పైగా కేసులు నమోదయ్యాయి వారిలో ఇద్దరు మరణించారు. అయితే, ప్రాథమిక దశలోనే ఆసుపత్రిలో చేరితే 4 వారాల్లో కోలుకునే అవకాశం ఉంటుంది.
కానీ వ్యాధి ముదిరితే సంపూర్ణంగా కోలుకోవడానికి 6 నెలలు పట్టొచ్చు. బలహీన రోగనిరోధక శక్తి ఉన్నవారు ఈ వ్యాధి బారిన పడే ప్రమాదం ఎక్కువ.
Details
జాగ్రత్తలు - బయట తినకండి!
GBS కేసులు పెరుగుతున్న నేపథ్యంలో AIIMS న్యూరాలజిస్ట్ డాక్టర్ ప్రియాంక సెహ్రావత్** ప్రజలకు కొన్ని సూచనలు చేశారు
బయట తినకండి
కలుషిత ఆహారం, నీరు వల్ల గ్యాస్ట్రోఎంటెరిటిస్ రావచ్చు, అది GBS కు దారితీస్తుంది.
ఆహారం, నీటి భద్రతపై ప్రత్యేక శ్రద్ధ వహించండి
హెచ్చరిక లక్షణాలు కనిపిస్తే వెంటనే వైద్యులను సంప్రదించండి