హనుమాన్ జయంతి విశేషాలు: హనుమాన్ చాలీసా ఎవరు రాసారో తెలుసా?
ఈ వార్తాకథనం ఏంటి
శ్రీరామ భక్తుడైన ఆంజనేయుడు జన్మించిన రోజున హనుమాన్ జయంతి జరుపుకుంటారు. ఈ పవిత్ర పర్వదినాన, ఆంజనేయ భక్తులు ఉదయాన్నే లేచి స్నానం చేసి ఆంజనేయుడి గుడికి వెళ్తారు.
కొందరు ఉపవాస దీక్షలు చేపడతారు. మరికొంతమంది ఆంజనేయ మాలలు వేసుకుంటారు. ప్రతీ ఊరిలో హనుమంతుడి గుడి వద్ద అన్నదాన కార్యక్రమాలు జరుగుతుంటాయి.
ఆంజనేయుడిది శివుడి రూపమని అంటారు. వానర రాజైన కేసరి, అంజని దంపతులకు హనుమంతుడిగా శివుడు జన్మించారని చెబుతారు. రాముడికి సాయం చేయడం కోసమే హనుమంతుడి జననం సంభవించిందని అంటారు.
హనుమాన్ జయంతిని ఒక్కో ప్రాంతంలో ఒక్కోరోజు జరుపుకుంటారు. ఉత్తరాది రాష్ట్రాలు, కర్ణాటక, తెలుగు రాష్ట్రాలు చైత్ర మాసంలోని శుద్ధ పౌర్ణమి రోజున హనుమాన్ జయంతిని జరుపుకుంటారు.
హనుమాన్ జయంతి
తులసీదాస్ రచించిన హనుమాన్ చాలీసా
భక్తికీ, అంకితభావానికీ హనుమంతుడు ప్రతీకగా నిలుస్తాడు. తన జీవితాన్ని రాముడి సేవ కోసం అర్పించేసాడు. సీతారాముడి తన గుండెల్లో నిలుపుకున్న హనుమంతుడు, భక్తిలో శిఖరాగ్రాన నిలిచాడు.
హనుమాన్ జయంతి రోజున భక్తులందరూ హనుమంతుడి భక్తిలో సేదదీరుతారు. ఉపవాసాలు, దీక్షలు, అన్నదాన కార్యక్రమాలతో హనుమంతుడి ఆశీస్సులు పొందుతారు.
హనుమాన్ చాలీసాను పఠిస్తారు. ఇంతకీ హనుమాన్ చాలీసా ఎవరు రాసారో తెలుసా?
16వ శతాబ్దానికి చెందిన ప్రఖ్యాత రచయిత తులసీదాస్, హనుమాన్ చాలీసాను రచించారు.
ఆ తర్వాత అనేక భాషల్లోకి హనుమాన్ చాలీసా తర్జుమా అయ్యింది.
హనుమాన్ జయంతి రోజున పట్టణాలు, టౌన్లు, గ్రామాల్లో ర్యాలీలు తీస్తుంటారు. హనుమంతుడి పాటలతో భజనలు చేస్తుంటారు.