Black Pepper: మిరియాలతో ఎన్నో ఆరోగ్య ప్రయోజనాలు.. అవేంటో తెలుసుకోండి!!
మిరియాలు... మసాలా దినుసుల మహారాజుగా పిలుస్తారు. ఇవి రోజువారీ ఆహారంలో సరిగా వాడితే ఆరోగ్య ప్రయోజనాలు అందిస్తాయని చెబుతారు. రుచిని పెంచడమే కాకుండా, మిరియాలలో ఉన్న ఔషధ గుణాలు ఆరోగ్యాన్ని కాపాడుతాయి. మిరియాలలో యాంటీ ఆక్సిడెంట్లు ఉండడం వల్ల ఇవి ఆరోగ్యానికి ఎంతో మేలు చేస్తాయి. మిరియాలలో సంతృప్త కొవ్వులు, కొలెస్ట్రాల్, సోడియం తక్కువగా ఉంటాయి. ఇవి విటమిన్ సి, క్యాల్షియం, మెగ్నీషియం, పొటాషియం, విటమిన్ కె, ఐరన్, కాపర్, మాంగనీస్ లతో కూడుకొని ఉంటాయి. కానీ, మిరియాలు ఎక్కువగా తీసుకున్నట్లయితే అనేక ఆరోగ్య ఇబ్బందులు వస్తాయి. అందుకే, మిరియాలను రోజూ పరిమిత పరిమాణంలో ఆహారంలో చేర్చాలి.
నరాల సమస్యలున్నవారు మిరియాలను తీసుకుంటే మంచిది
ఆరోగ్య నిపుణుల ప్రకారం, మిరియాలను ఆహారంలో చేర్చడం చాలా మంచిది. టైప్ 2 డయాబెటిస్ ఉన్నవారు మిరియాలు తీసుకుంటే లాభకరంగా ఉంటుంది, ఎందుకంటే ఇవి రక్తంలో చక్కెర స్థాయిలను నియంత్రిస్తాయి. మిరియాలు క్యాన్సర్ వంటి తీవ్రమైన వ్యాధుల రిస్కును తగ్గిస్తాయి. నరాల సమస్యలున్నవారు మిరియాలను తీసుకుంటే మంచిది. ఇవి జీర్ణాశయ వ్యవస్థను మెరుగుపరచడం ద్వారా పొట్టకు మేలు చేస్తాయి. మిరియాలు జీర్ణక్రియను పెంచి శరీర మెటబాలిజాన్ని బలోపేతం చేస్తాయి. రోగ నిరోధక శక్తిని పెంచుతూ, ఆరోగ్యాన్ని కాపాడతాయి.
వైరల్ ఫీవర్, గొంతు నొప్పి, జలుబు వంటి వాటిని మిరియాలు తగ్గిస్తాయి
మిరియాలు రోజూ ఆహారంలో భాగంగా తీసుకోవడం వల్ల శరీరంలోని కొలెస్ట్రాల్ స్థాయిలు తగ్గుతాయి. ఆర్థరైటిస్ ఉన్నవారు కూడా మిరియాలను ఆహారంలో భాగంగా చేసుకుంటే మంచిది. మిరియాలు వైరల్ ఫీవర్, గొంతు నొప్పి, జలుబు వంటి వాటిని తగ్గిస్తాయి.యాంటీసెప్టిక్‌గా కూడా ఉపయోగపడతాయి. అనేక ప్రయోజనాలున్న, మిరియాలను ఆహారంలో చేర్చడం ద్వారా అనారోగ్య సమస్యల నుండి బయటపడచ్చు.
