డయాబెటిస్ ఉన్నవారికి చక్కెర లేకుండా స్పెషల్ క్రిస్మస్ కేక్
క్రిస్మస్ పార్టీలో ఆహా అనిపించే ఆహారంతో పాటు అమోఘమైన స్వీట్స్ తప్పనిసరిగా ఉండాల్సిందే. కానీ డయాబెటిస్ ఉన్నవారు ఈ విషయంలో నిరాశ పడాల్సి వస్తుంది. సాధారణంగా బేకరీలో తయారు చేసే కేక్ లో రక్తంలో చక్కెర స్థాయిలను పెంచే పదార్థాలు వాడతారు. మైదాతో కేక్ ను తయారు చేస్తారు. డయాబెటిస్ తో బాధపడేవారికి ఇది ఆరోగ్యకరం కాదు. మరి క్రిస్మస్ రోజు డయాబెటిస్ ఉన్నవాళ్ళు ఇబ్బంది పడాల్సిందేనా? ఎంతమాత్రమూ కాదు. రక్తంలో చక్కెర నిల్వలను పెంచని కేక్ ని ఇంట్లోనే తయారు చేసుకోవచ్చు. ఏ ఆహారాలతో అలాంటి కేక్ తయారవుతుందో చూద్దాం. కొబ్బరి పిండి: వినడానికి వింతగా ఉన్నా, ఇది మార్కెట్ లో విరివిగా లభిస్తుంది. దీనిలో చక్కెర శాతం తక్కువగా ఉంటుంది.
కేవలం ఒక ముక్క మాత్రమే తినాలి
బాదం పిండి: మైదా స్థానంలో బాదంపిండిని కేక్ తయారు చేయడానికి చక్కగా వాడుకోవచ్చు. ఇంకా చిరుధాన్యాలైన రాగి పిండి, సజ్జపిండి వాడవచ్చు. కాజు పాలు, ఓట్ మిల్క్, ఆపిల్ సాస్ మొదలగు వాటితో కేక్ ఈజీగా తయారవుతుంది. వీటిల్లో లాక్టోస్ ఉండదు కాబట్టి డయాబెటిస్ ఉన్నవారికి ఎలాంటి ఇబ్బంది ఉండదు. వాల్ నట్స్ ని కేక్ మీద డెకరేట్ చేస్తే మరింత బాగుంటుంది. ఫైబర్, ఒమెగా 3 కొవ్వులు ఇందులో పుష్కలంగా ఉంటాయి. వీటితో తయారు చేసిన కేక్ ని డయాబెటిస్ ఉన్నవారు హ్యాపీగా ఆస్వాదించవచ్చు. ఐతే భోజనం చేసిన వెంటనే కేక్ తినకండి. భోజనానికి భోజనానికి మధ్య ఉండే ఖాళీ టైమ్ లో కేవలం ఒక ముక్క మాత్రమే తినండి.
