Cabbage Dosa: ఆరోగ్యానికి అనుకూలమైన బ్రేక్‌ఫాస్ట్ కావాలనుకుంటున్నారా? అయితే ఈ క్యాబేజీ దోస తప్పక ట్రై చేయండి
ఈ వార్తాకథనం ఏంటి
ఎప్పుడైనా ఆకలికంటే రుచికి ప్రాధాన్యం ఇచ్చే పరిస్థితులు ఎదురవుతుంటాయి. అలా తినే తిండిలో కొన్నిసార్లు ఆరోగ్యానికి పెద్దగా ప్రయోజనం ఉండదు. కానీ ఎక్కువసార్లు మనం ఆరోగ్యకరమైన ఆహారాన్ని ఎంచుకోవాలనే ఆశపడతాం. ఇందుకోసం కొత్త కొత్త ప్రయోగాలు కూడా చేయడానికి సిద్ధంగా ఉంటాం. అలాంటి ప్రయోగాల్లో ఒక ప్రత్యేకమైనదే ఈ క్యాబేజీ దోస.
వివరాలు
క్యాబేజీతో బ్రేక్‌ఫాస్ట్
"క్యాబేజీతో కూరలు, పచ్చళ్లు అయితే వింటాం, కానీ దోసా?" అని ఆశ్చర్యపోవొచ్చు. కానీ నిజంగానే క్యాబేజీతో రుచికరమైన, సులభంగా తయారయ్యే బ్రేక్‌ఫాస్ట్ సిద్ధం చేయొచ్చు. ఇప్పుడు దీన్ని ఎలా తయారుచేయాలో చూద్దాం: క్యాబేజీ దోస కోసం కావలసిన పదార్థాలు: క్యాబేజీ తురిమినది - 1 కప్పు శెనగపిండి - ½ కప్పు బియ్యపిండి - ½ కప్పు గోధుమపిండి - 2 టేబుల్ స్పూన్లు ఉల్లి - 1 (అవసరమైతే) జీలకర్ర - ½ టీస్పూన్ తరిగిన పచ్చిమిరప - 1 కొత్తిమీర - తగినంత ఉప్పు - రుచికి సరిపడ నీళ్లు - అవసరమైనంత నూనె - వేయించేందుకు కావల్సినంత
వివరాలు
తయారీ విధానం:
ముందుగా ఒక గిన్నె తీసుకుని అందులో శెనగపిండి, బియ్యపిండి, గోధుమపిండి వేసి బాగా కలపాలి. తర్వాత తురిమిన క్యాబేజీ, ఉల్లి, పచ్చిమిరప, జీలకర్ర, కొత్తిమీర, ఉప్పు కూడా వేసి కలపాలి. దీనికి నీళ్లు చిలుకుతూ మిశ్రమాన్ని దోస పిండిలా మోడరేట్‌గా కలిపుకోవాలి. ఇప్పుడు పాన్‌ను స్టవ్ మీద వేచి, కొద్దిగా నూనె వేసి వేడి చేయాలి. పిండి మిశ్రమాన్ని పాన్‌పై వేసి దోసలా పరచాలి. రెండు వైపులా బంగారు రంగు వచ్చేలా వేయించాలి. ఇక క్యాబేజీతో చేసిన స్పెషల్ దోస సిద్ధం! దీన్ని చట్నీ లేదా కూరతో సర్వ్ చేసుకోవచ్చు.
వివరాలు
క్యాబేజీ దోస వల్ల కలిగే ఆరోగ్య ప్రయోజనాలు:
ఫైబర్ ఎక్కువగా ఉంటుంది: క్యాబేజీకి ఫైబర్ అధికంగా ఉండటం వల్ల జీర్ణక్రియ మెరుగవుతుంది. మలబద్ధకం సమస్య ఉన్నవారికి ఇది చాలా మేలుగా పని చేస్తుంది. తక్కువ కేలరీలు: బరువు తగ్గే యత్నంలో ఉన్నవారికి ఇది ఉత్తమమైన ఆహారం.తక్కువ కేలరీలు, ఎక్కువ సంతృప్తి కలిగించే లక్షణాలివి. విటమిన్లు, ఖనిజాలు పుష్కలంగా లభ్యం: క్యాబేజీలో విటమిన్ C,K,ఫోలేట్,కాల్షియం, పొటాషియం వంటి ఆరోగ్యానికి అవసరమైన పోషకాలూ ఉంటాయి. మధుమేహంతో బాధపడేవారికి కూడా తినవచ్చు:క్యాబేజీ గ్లైసెమిక్ ఇండెక్స్ తక్కువగా ఉండటం వల్ల రక్తంలో షుగర్ పెరగకుండా అడ్డుకుంటుంది. ఇమ్యూనిటీ పెరుగుతుంది: ఇందులో ఉండే యాంటీ ఆక్సిడెంట్లు,విటమిన్ C శరీర రోగ నిరోధక శక్తిని బలోపేతం చేస్తాయి. మనసును ప్రశాంతంగా ఉంచుతుంది:క్యాబేజీలో ఉండే ఫైటోన్యూట్రియెంట్లు ఒత్తిడిని తగ్గించి మూడ్‌ను మెరుగుపరుస్తాయి.