మీ పిల్లల మీద ఎగ్జామ్స్ ఒత్తిడి పడకుండా ఉండడానికి చేయాల్సిన పనులు
మంచి మార్కులు తెచ్చుకోవాలనే విషయంలో పిల్లల మీద చాలా ఒత్తిడి ఉంటున్న మాట నిజం. తల్లిదండ్రులైతే నేమీ, ఉపాధ్యాయులైతే నేమీ పిల్లల నుండి మంచి మార్కులు కావాలనుకుంటూ వారి మీద ఒత్తిడి పెంచేస్తున్నారు. ఫలితంగా వారిలో ఒకరకమైన అభద్రతా భావం పెరిగిపోతోంది. ఈ పరీక్షల సమయంలో మీ పిల్లల మీద ఎగ్జామ్స్ ఒత్తిడి ఉండకుండా చేయాలంటే మీరు చేయాల్సిన పనులేంటో చూడండి. మాటలు: ఎగ్జామ్స్ కదా అని మీ పిల్లలతో మాట్లాడకుండా ఉండకండి. వాళ్ళ మనసుల్లో ఏముంది? ఎగ్జామ్స్ గురించి వాళ్ళెలా ఫీలవుతున్నారనేది కనుక్కోండి. ధ్యానం: ఎగ్జామ్స్ అని చెప్పి యోగ, ఎక్సర్ సైజ్ మానేయకూడదు. శరీరం ఆక్టివ్ గా ఉంటే మెదడు బాగా పనిచేస్తుందన్న విషయం గుర్తుంచుకోండి.
పిల్లల అలవాట్లపై తల్లిదండ్రుల కన్ను
ఆహారం, నిద్ర, మంచినీళ్ళు: మీ పిల్లలు సమయానికి ఆహారం తింటున్నారా? సరిగ్గా నిద్రపోతున్నారా? కావాల్సినన్ని మంచినీళ్ళు తాగుతున్నారా అనేది చూసుకోవాలి. ఈ సమయాల్లో బయట ఆహారం తినకపోవడం ఉత్తమం. ఎగ్జామ్స్ గురించి మరీ ఎక్కువగా అడగవద్దు: ఎగ్జామ్స్ ఎలా రాస్తున్నావ్ అని పదే పదే అడగకండి. వాళ్ళకి అదో టెన్శన్ లా తయారవుతుంది. పరీక్ష రాసి రాగానే హ్యాపీగా ఏదైనా హాయినిచ్చే పని చేయండి. వాళ్ళు రిలాక్స్ అవుతారు. బౌండరీస్ గుర్తుంచుకోండి: ఎగ్జామ్ కి ఎలా ప్రిపేర్ అవ్వాలనేది మీ పిల్లలకే వదిలేయండి. వాళ్ళకు స్వేఛ్ఛనివ్వండి. ప్రతీదానికి మీరు దూరిపోతే వాళ్ళలో డెసిషన్ మేకింగ్ రాదు. ఎగ్జామ్ ఒత్తిడి సంకేతాలైన మూడ్ మారిపోవడం, తినకపోవడం, ఏడవడం, కోపం లక్షణాలను గుర్తించండి.
ఈ టైమ్ లైన్ ని షేర్ చేయండి