అకస్మాత్తుగా తలతిరుగుతున్నట్లు, వికారంగా ఉన్నట్లు, శరీరం వణుకుతున్నట్లు అనిపిస్తుందా? ఇది తెలుసుకోండి.
ఈ వార్తాకథనం ఏంటి
పానిక్ అటాక్.. అకస్మాత్తుగా తల తిరుగుతున్నట్లు అనిపించడం, వికారంగా ఉండడం, గుండెవేగం పెరగడం, ఒక్కసారిగా చెమట్లు పట్టడం మొదలగు లక్షణాలు పానిక్ అటాక్ లో భాగంగా కనిపిస్తాయి.
యాంగ్జాయిటీ కారణంగా పానిక్ అటాక్స్ సంభవిస్తుంటాయి. పై లక్షణాలు దాదాపు అరగంట వరకు ఉండి ఆ తర్వాత తగ్గిపోతాయి. పానిక్ అటాక్స్ వచ్చినపుడు ఎలా ఎదుర్కోవాలో తెలుసుకుందాం.
డీప్ బ్రీత్: పానిక్ అటాక్ కలిగినపుడు భయం ఎక్కువగా ఉంటుంది. అప్పుడు శ్వాస వేగం పెరుగుతుంది. దీనివల్ల పరిస్థితి మరింత దిగజారే అవకాశం ఉంది. అందువల్ల ఇలాంటి పరిస్థితి ఎదురైనపుడు ముక్కు నుండి డీప్ బ్రీత్ తీసుకుని నోటి నుండి వదిలేయండి. కాసేపట్లో మంచి విశ్రాంతి పొందుతారు.
ఆరోగ్యం
పానిక్ అటాక్స్ సంభవించినపుడు చేయాల్సిన పనులు
ఊహాలోకంలోకి వెళ్ళండి: మీకు సంతృప్తినిచ్చే ఊహాలోకంలో విహరించడం వల్ల పానిక్ అటాక్స్ నుండి బయటకురాగలుగుతారు. మీరు మీ రూమ్ లో కూర్చుని కళ్ళు మూసుకుని, సముద్రం ముందర ఉన్నట్టుగా లేదా పచ్చని చెట్ల నడుమ ఉన్నట్టుగా ఊహించుకోండి.
లావెండర్ ఆయిల్ : పానిక్ అటాక్స్ నుండి లావెండర్ ఆయిల్ కాపాడుతుంది. మీ మణికట్టుకు, మీ చెవుల వెనకాల లావెండర్ ని రుద్దుకోండి. లావెండర్ సువాసన కారణంగా పానిక్ అటాక్స్ తగ్గిపోతాయి.
పాజిటివ్ మంత్రం: అంతా మన మెదడు మీదే ఆధారపడి ఉందని చెబుతారు కదా, అది ఇదే అన్నమాట. మీరు మీ మెదడుకు అంతా మంచిదే, ఏమీ కాదు అని చెబుతూ ఉంటే కాసేపటికి మీరు కామ్ ఐపోతారు.