Railway Free Service: ప్రయాణీకుల కోసం రైల్వే అందించే 6 ఉచిత సౌకర్యాలు ఏంటో మీకు తెలుసా?
భారతీయ రైల్వే సీనియర్ ప్యాసింజర్లకు రాయితీ టిక్కెట్లతో సహా అనేక సౌకర్యాలను నిలిపివేసింది. అయినప్పటికీ, నేటికి రైల్వే తన ప్రయాణీకులకు అనేక సౌకర్యాలను ఉచితంగా అందిస్తోంది. మీరు కూడా రైలులో ప్రయాణించబోతున్నట్లయితే, ఈ సౌకర్యాల గురించి తెలుసుకుని వాటిని సద్వినియోగం చేసుకోండి. భారతీయ రైల్వే దేశంలో అతిపెద్ద సేవా ప్రొవైడర్. ప్రతిరోజు దాదాపు 3 కోట్ల మందికి రవాణా సౌకర్యాలు కల్పిస్తుంది. ప్రపంచంలోనే అత్యధిక సంఖ్యలో ప్రయాణికులు ప్రతిరోజూ రైలు సేవలను ఉపయోగిస్తున్నారు. ఈ ప్రయాణీకులకు రైల్వే వివిధ సౌకర్యాలను అందిస్తోంది, వాటిలో కొన్ని పూర్తిగా ఉచితం.
6,000 స్టేషన్లలో ఉచిత వైఫై
ఇంటర్నెట్ , డేటా వినియోగం ప్రస్తుత కాలంలో ప్రతి ఒక్కరికీ అత్యంత అవసరంగా మారింది. ఈ నేపథ్యంలో, రైల్వే ప్రయాణీకుల కోసం 6,000 స్టేషన్లలో ఉచిత వైఫై సౌకర్యాన్ని ప్రవేశపెట్టింది. రైలు కోసం మీరు వేచి ఉన్నప్పుడు, మీరు ఈ ఉచిత సేవను ఆస్వాదించవచ్చు. ఏసీ కోచ్‌లలో ప్రయాణించే ప్రయాణికులకు రైల్వే అనేక వస్తువులను ఉచితంగా అందిస్తుంది. ఈ ప్రయాణికులకు బెడ్‌షీట్లు, దిండ్లు, దుప్పట్లు వంటి వస్తువులు అందజేస్తారు. మీ ప్రయాణ సమయంలో, శుభ్రమైన బెర్త్ అందించబడుతుంది. థర్డ్ ఏసీ లేదా ఫస్ట్ ఏసీలో ప్రయాణిస్తున్న ప్రతి ప్రయాణికుడికి ఈ సౌకర్యం అందుబాటులో ఉంటుంది.
లాకర్‌లో నెల రోజుల పాటు ఉచితంగా నిల్వ
ప్రధాన రైల్వే స్టేషన్లలో ప్యాసింజర్ లాకర్లు కూడా ఉచితంగా అందుబాటులో ఉన్నాయి. రైల్వేలు ఈ సౌకర్యాన్ని పూర్తిగా ఉచితంగా అందిస్తాయి, ఎటువంటి రుసుము వసూలు చేయరు. ఇది కాకుండా, మీ లగేజీని ఈ లాకర్‌లో నెల రోజుల పాటు ఉచితంగా నిల్వ చేసుకోవచ్చు. ప్రయాణంలో మీ ఆరోగ్యం క్షీణిస్తే, రైల్వే వైద్యులు, ఇతర వైద్య సహాయాన్ని కూడా అందిస్తారు. రైలు లో ప్రయాణీకుల ఆరోగ్యం క్షీణించినప్పుడు, తదుపరి స్టేషన్‌లో ఆయా ప్రయాణీకులకు వైద్య చికిత్స అందించబడుతుంది. అత్యవసర పరిస్థితులలో, రైల్వే అంబులెన్స్, ఆసుపత్రి రవాణా ఏర్పాట్లు కూడా చేస్తుంది.
ఉచితంగా ఆహారం
మీ రైలు ఆలస్యమై స్టేషన్‌లో వేచి ఉండాల్సి వస్తే, ప్లాట్‌ఫారమ్ చుట్టూ తిరగాల్సిన అవసరం లేదు. మీరు పైసా కూడా కట్టకుండా వెయిటింగ్ రూమ్‌లో మీ రైలు కోసం వేచి ఉండవచ్చు. వేచి ఉండే గది మీ టికెట్ ద్వారా నిర్ణయించబడుతుంది, కానీ ప్రతి రైల్వే స్టేషన్‌లో అన్ని రిజర్వ్‌డ్ సెక్షన్‌ల కోసం ఈ ఏర్పాటు చేస్తారు. దురంతో,రాజధాని వంటి రైళ్లలో ప్రయాణించే ప్రయాణికులు అత్యధిక ప్రయోజనాలను పొందుతారు. రాజధాని లేదా దురంతో వంటి రైళ్లు ఆలస్యమైతే, రైల్వే ప్రయాణికులందరికీ ఉచితంగా ఆహారాన్ని అందిస్తుంది.
