ఇన్ ఫ్లమేటరీ బోవెల్ డిసీజ్: ఈ జీర్ణ సంబంధ వ్యాధి లక్షణాలు, చికిత్స తెలుసుకోండి
ఈ వార్తాకథనం ఏంటి
ప్రస్తుతం ప్రపంచ వ్యాప్తంగా 7మిలియన్ల మంది ఇన్ ఫ్లమెటరీ బోవెల్ డిసీజ్(ఐబీడీ) సమస్యతో బాధపడుతున్నారు. గత 20ఏళ్ళలో ఐబీడీ బారిన పడిన వాళ్ళ సంఖ్య పెరిగింది.
ఐబీడీ అనేది జీర్ణ సంబంధ సమస్య. ఈ వ్యాధి ఎలా వస్తుందో స్పష్టమైన కారణం వైద్యులకు కూడా తెలియదు. ప్రస్తుతం ఈ వ్యాధి లక్షణాలను, చికిత్సను తెలుసుకుందాం.
ఐబీడీలో రెండు రకాలున్నాయి. అల్సరేటివ్ కాలిటిస్, క్రాన్ డిసీజ్.
అల్సరేటివ్ రకంలో పెద్దప్రేగు, పురీషనాళం మీద ప్రభావం పడుతుంది. క్రాన్ డిసీజ్ రకంలో చిన్నపేగు, జీర్ణాశయంలోని వివిధ భాగాల మీద, అప్పుడప్పుడు పెద్ద పేగు మీద కూడా ప్రభావం చూపిస్తుంది.
ఈ రెండు రకాల వలన జీర్ణాశయంలో సమస్యలు వస్తాయి.
Details
ఐబీడీ వ్యాధి లక్షణాలు, రావడానికి కారణాలు
ఐబీడీ లక్షణాలు:
అల్సరేటివ్ రకంలో మలంలో రక్తం రావడం, నీళ్ళ విరేచనాలు జరగడం, ఆకలి లేకుండా పోవడం వంటి లక్షణాలు కనిపిస్తాయి. క్రాన్ డిసీజ్ లోనూ దాదాపు ఇలాంటి లక్షణాలే కనిపిస్తాయి.
అదనంగా వికారం, బరువు తగ్గడం వంటి లక్షణాలు ఉంటాయి.
ఈ వ్యాధి రావడానికి కారణాలు:
ఈ వ్యాధి ఎందుకు వస్తుందో ఇంతవరకు ఎవ్వరూ స్పష్టంగా వెల్లడి చేయలేదు. జన్యు సమస్యలు, వారసత్వం వల్ల వచ్చే వస్తుందేమోనని సందేహం.
అలాగే డైట్ సరిగ్గా లేకపోవడం, ఒత్తిడి, పొగ త్రాగడం, రోగనిరోధక శక్తిలో సమస్యల కారణంగా రావచ్చని అంచనా.
ఈ వ్యాధికి చికిత్స లేదు, కానీ వ్యాధి లక్షణాలను తగ్గించే అవకాశం ఉంది. కొన్నిసార్లు సర్జరీ అవసరం ఉండవచ్చు.