అంతర్జాతీయ యువజన దినోత్సవం 2023: చరిత్ర, తెలుసుకోవాల్సిన విషయాలు
ప్రతీ సంవత్సరం ఆగస్టు 12వ తేదీన అంతర్జాతీయ యువజన దినోత్సవాన్ని జరుపుకుంటారు. యువత ఎదుర్కుంటున్న సవాళ్ళు, సమాజానికి యువత అందిస్తున్న సహకారం మొదలగు అంశాలపై చర్చించడానికి యువజన దినోత్సవాన్ని జరుపుతున్నారు. ఈ రోజున ప్రపంచ వ్యాప్తంగా అనేక కార్యక్రమాలు, సమావేశాలు, చర్చలు నిర్వహిస్తారు. యువతకు సందేశాలను అందించే మెంటార్స్ తో ఉపన్యాసాలు అందిస్తారు. చరిత్ర: 1965లో మొదటిసారిగా ఐక్యరాజ్య సమితి సాధారణ సమావేశంలో యువతకు వనరులను అందించాలని, వారు ఎదగడానికి తోడ్పడాలని, అలాగే భవిష్యత్తు నాయకులు యువకులను తీర్చిదిద్దాలని ప్రతిపాదించింది. ఆ తర్వాత 1999లో అంతర్జాతీయ యువజన దినోత్సవం నిర్వహించాలనే ప్రతిపాదన వచ్చింది. మొదటిసారిగా 2000 సంవత్సరంలో ఆగస్టు 12వ తేదీన అంతర్జాతీయ యువజన దినోత్సవంగా జరుపుకోవాలని ఐరాస నిర్ణయించింది.
అంతర్జాతీయ యువజన దినోత్సవం 2023 థీమ్
ఈ ఏడాది గ్రీన్ స్కిల్ ఫర్ యూత్ అనే థీమ్ ని ఎంచుకున్నారు. అంటే జీవితానికి అవసరమయ్యే జ్ఞానం, సామర్థ్యం, విలువలు, వ్యవహారాలను సంపాదించుకోవాలనే ఉద్దేశ్యంతో ఈ థీమ్ ని నిర్ణయించారు. కొటేషన్లు: నేటి యువతదే రేపటి భవిష్యత్తు.. అందుకే రేపటి బాగుకోసం యువత ఈరోజు కష్టపడాలి. యువతలో మంచి అలవాట్లు ఉన్నప్పుడే మార్పు కచ్చితంగా వస్తుంది, అద్భుతంగా వస్తుంది - అరిస్టాటిల్. నాయకుడి కోసం ఎదురుచూడకుండా నీకు నువ్వే నాయకుడిగా మారాలి. అప్పుడే మార్పు వస్తుంది - మదర్ థెరిసా.
