ప్రేరణ: ఏదైనా పని ముఖ్యమైనదని నువ్వు అనుకుంటే, పరిస్థితులు అనుకూలంగా లేకపోయినా పని పూర్తి చేయాలి
ఈ వార్తాకథనం ఏంటి
మనుషుల జీవితాలను పరిస్థితులే మార్చివేస్తాయి. చిన్నప్పుడు పైలట్ అవ్వాలనుకున్నవాడు, వాళ్ళింట్లో ఆర్థిక స్థోమత బాగోలేక బస్ డ్రైవర్ గా మారిపోవచ్చు. డాక్టర్ అవ్వాలనుకున్నవాడు పరిస్థితులు బాగోలేక కాంపౌండర్ గా మారిపోవచ్చు. పరిస్థితులు అనేవి ఎప్పుడు ఎవరిని ఎలా మార్చేస్తాయో ఎవ్వరికీ తెలియదు. అయితే ఇక్కడో ఆసక్తికరమైన విషయం ఉంది. చాలామంది తాము అనుకున్నది సాధించకలేక పోవడానికి కారణం తమకెదురైన పరిస్థితులే కారణం అని అంటారు. కానీ అసలు నిజం అది కాదు, పరిస్థితులు బాగాలేని టైమ్ లో తాము చేసే పని ఇంపార్టెంట్ కాకపోవడమే. ఎందుకంటే ముఖ్యమైన పనిని, పరిస్థితులు ఎలా ఉన్నా వదిలిపెట్టరు.
Details
పరిస్థితులను సాకుగా మార్చుకుంటే ఓటమి ఎదురవుతుంది
ఉదాహరణకు, నీకు బాగా ఆకలిగా ఉంది. రెండురోజులు అన్నం తినలేదు. అప్పుడు నువ్వేం చేస్తావ్, ఎలా అయినా సరే కడుపు నింపుకోవాలని అనుకుంటావ్. ఏం చేసైనా సరే, భోజనం సంపాదించి కడుపు కోత తీర్చుకుంటావ్. ఇక్కడ ఆకలి నీకు ముఖ్యమైనది. అదే విధంగా నువ్వు చేయాలనుకున్న పని, నీకు ముఖ్యమైనదిగా మారితే, ఎలాంటి పరిస్థితులు ఎదురైనా నువ్వా పనిని పూర్తి చేస్తావు. ఇక్కడ ఆ పని నీకు ముఖ్యమా కాదా అన్నదే ఇంపార్టెంటు. ప్రతీసారీ పరిస్థితులకు లొంగిపోతే ఏదో ఒకరోజు ఓటమికి లొంగిపోవాల్సిందే. ప్రయత్నం చేయని వాడే ఒడిపోతాడు. పరిస్థితులను సాకుగా మార్చుకుని నువ్వు ఓడిపోతావా? లేదా పరిస్థితులను పట్టించుకోకుండా నువు గెలుస్తావా అన్నది నువ్వు తీసుకునే నిర్ణయం మీద ఆధారపడి ఉంటుంది.