నేషనల్ బీర్ డే: బీర్ ని ఉపయోగించి తయారు చేసుకోగలిగే ఆహారాలేంటో చూద్దాం
అమెరికాలో ఏప్రిల్ 7వ తేదీని నేషనల్ బీర్ డే గా జరుపుకుంటారు. బీర్ తో తయారయ్యే రెసిపీస్ ని ఆహారంగా తయారు చేసుకుని ఆరగిస్తారు. బీర్ తో ఎలాంటి రెసిపీస్ తయారు చేసుకోవచ్చో చూద్దాం. బీర్ తిరమిసు: గుడ్లు, చక్కెర, క్రీమ్ ఛీజ్ ఒక పాత్రలో కలిపి మంచి పేస్ట్ లాగా తయారు చేయండి. ఒక గ్లాసు తీసుకుని అందులో పూర్తిగా బీరు పోసి, ఆ గ్లాసులో లేడీఫింగర్ కుకీస్ ని నానబెట్టండి. కుకీస్ నానగానే వాటిని బయటకు తీసి, మనం తయారు చేసుకుని పేస్ట్ ని వీటిమీద పోయాలి. ఇప్పుడు ఆ గ్లాస్ ని రిఫ్రిజిరేటర్ లో ఉంచాలి. కోకో పౌడర్ ని జల్లుకుని హ్యాపీగా తినేయడమే.
బీర్ తో తయారయ్యే రెసిపీస్
బీర్ తో చిల్లీ చికెన్: ఒక పాత్రలో ఆలివ్ ఆయిల్ పోసి, ఉల్లిగడ్డలు, వెల్లుల్లి వేసి వేయించాలి. ఇప్పుడు చికెన్ ముక్కలను చిన్నగా కోసి పాత్రలో వేయండి. ఉప్పు, మిరియాల పొడి, జీలకర్ర, ఒరెగానో వేసి కొంతసేపు వండండి. ఆ తర్వాత టమాట ముక్కలు, టమాట సాస్, బీర్, పోసి తక్కువ మంటలో ఉంచండి. రెడీ కాగానే హ్యాపీగా ఆరగించండి. బీర్ లో ముంచిన ఉల్లిపాయ రింగులు: మీకు ఆనియన్ రింగ్స్ ఇష్టమైతే ఈ రెసిపీ ట్రై చేయండి. పిండి, ఉప్పు, మిరియాలు, గుడ్లను ఒక పాత్రలో వేసి బాగా కలపండి. ఇప్పుడు బీర్ పోసి చిక్కని పిండిముద్ద తయారు చేయండి. ఇప్పుడు ఉల్లిపాయ రింగులను పిండిముద్దలో ముంచి నూనెలో ఫ్రై చేయండి.
