నేషనల్ మీట్ బాల్ డే: మాంసంతో తయారయ్యే వెరైటీ వంటకాల రెసిపీ మీకోసమే
అమెరికా జనాలు ఈరోజు నేషనల్ మీట్ బాల్ డే జరుపుకుంటారు. చికెన్, చేపలు, మటన్, పందిమాంసం మొదలుగు వాటితో ఉండలుగా వంటకాలు రెడీ చేసుకుని హ్యాపీగా ఆరగిస్తారు. తియ్యగా, పుల్లగా ఉండే మీట్ బాల్స్: చికెన్, ఉల్లిగడ్డలు, గుడ్లు, కొంచెం ఉప్పు, మిరియాలు, బ్రెడ్ తురుము ఒక పాత్రలో వేసి బాగా మిక్స్ చేయాలి. ఇప్పుడు ఆ మిశ్రమాన్ని చిన్న ఉండలుగా చేసి నాన్ స్టిక్ పాత్రలో బ్రౌన్ రంగు వచ్చే వరకు వేయించాలి. ఈ టైమ్ లో కొద్దిగా నీళ్ళు, బ్రౌన్ షుగర్, వెనిగర్, కెచప్, మొక్కజొన్న పిండి, సోయా సాస్ కలిపి సాస్ ని తయారు చేయాలి. ఈ సాస్ ని మీట్ బాల్స్ మీద వేసుకుని తినేయండి.
సరికొత్త మీట్ బాల్స్ తయారు చేసే విధానము
ఇటాలియన్ బేక్డ్ మీట్ బాల్స్: ఓవెన్ ని 175డిగ్రీల సెల్సియస్ లో వేడి చేయండి. ఒక పాత్రలో ఓట్స్, గుడ్లు, కారం, ఉల్లిగడ్డలు, పాలు, ఉప్పు, మిరియాలు వేసి బాగా కలిపి, ఆ మిశ్రమం నుండి ఉండలు తయారు చేయాలి. ఆ తర్వాత మరో పాత్ర తీసుకుని కెచప్, వెల్లుల్లి, చక్కెర, ఉల్లిగడ్డ కలిపి సాస్ తయారుచేసి, ఈ సాస్ ని ఉండల మీద పోసి ఓవెన్ లో గంటసేపు బేక్ చేయాలి. చికెన్ కర్రీ మీట్ బాల్స్: ఓవెన్ ని 190డిగ్రీ సెల్సియస్ వేడి చేయండి. ఆలివ్ ఆయిల్, అల్లం వెల్లుల్లి, బ్రెడ్ తురుము, చికెన్, మిరియాలు, ఉప్పు కలిపి మిక్స్ చేసి ఉండలు తయారు చేసి 15నిమిషాలు బేక్ చేయండి.
