నేషనల్ మఫిన్ డే 2023: ఇంట్లోనే మఫిన్స్ తయారు చేసుకోవడానికి కావాల్సిన రెసిపీస్
ఈ వార్తాకథనం ఏంటి
ప్రతీ సంవత్సరం ఫిబ్రవరి 20వ తేదీని నేషనల్ మఫిన్ డే గా జరుపుకుంటారు. మఫిన్స్ అంటే గుండ్రంగా స్పాంజ్ లాగా ఉండే కేక్స్ అన్నమాట. గుడ్డు, చక్కెర, మైదాతో తయారు చేస్తారు.
పండ్లతో కూడా మఫిన్స్ తయారుచేస్తారు. ప్రస్తుతం పండ్లతో తయారు చేసే మఫిన్స్ రెసిపీస్ తెలుసుకుందాం.
బ్లూబెర్రీ మఫిన్
వెన్న, చక్కెరను ఒక పాత్రలో వేసి బాగా చిలకాలి, ఇప్పుడు గుడ్డు, వెనీలా వేసి మళ్లీ బాగా కలపాలి. బేకింగ్ సోడా, పాలు కలిపి బాగా మిక్స్ చేయాలి. బ్లూబెర్రీస్ తీసి ముక్కలుగా కత్తిరించి గ్రైండ్ చేసి పాల మిశ్రమంలో కలిపేయాలి. ఇప్పుడు మఫిన్స్ తయారు చేసే పాత్రలో ఆ మిశ్రమాన్ని పోయాలి. 20 నిమిషాలు బేక్ చేస్తే సరిపోతుంది.
రెసిపీస్
పండ్లతో తయారు చేసుకోగలిగే మరికొన్ని మఫిన్స్
మ్యాంగో మఫిన్
అవిసె గింజలను నీళ్లలో కలిపి పక్కన పెట్టాలి, ఇప్పుడు బాదంమిల్క్, నిమ్మరసం కలపాలి.
ఆ తర్వాత బేకింగ్ పౌడర్, మైదాపిండి, చక్కెర, ఉప్పు, దాల్చినచెక్క వేసి బాగా మిక్స్ చేయాలి. ఆ మిశ్రమంలో వెనీలా, కొబ్బరి నూనె పోయాలి. మామిడి పండ్లను మిశ్రమంలో కలిపి మఫిన్ కప్పుల్లో ఆ ద్రావణాన్ని పోసి 25నిమిషాలు బేక్ చేయాలి.
బనానా మఫిన్స్
మైదాపిండి, దాల్చినచెక్క, బేకింగ్ పౌడర్,ఉప్పు,బేకింగ్ సోడాను ఒక దగ్గర వేసి బాగా కలిపి పక్కన పెట్టుకోవాలి.
పీనట్ బట్టర్, పెరుగును ఒక పాత్రలో పోసి బాగా కలిపి అరటిపండు, గుడ్లు, చక్కెర వెనీలా వేసి మిశ్రమం తయారు చేయాలి. మఫిన్ కప్పుల్లో మిశ్రమాన్ని వేసి 20నిమిషాలు బేక్ చేస్తే సరిపోతుంది.