Lunch: మీరు లంచ్ టైమ్‌లో ఈ ఆహారాలు అస్సలు తినకూడదు
ఈ వార్తాకథనం ఏంటి
రోజూ మనం ఉదయం బ్రేక్‌ఫాస్ట్, మధ్యాహ్నం లంచ్, రాత్రి డిన్నర్ చేస్తుంటాము. కానీ, బ్రేక్‌ఫాస్ట్, లంచ్‌ను ఎక్కువగా తినే అలవాటు ఉంటుంది. దాంతో పాటు అనేక సందర్భాల్లో జంక్ ఫుడ్‌ను కూడా తీసుకుంటాం. అయితే, ఈ విధంగా తినడం ఆరోగ్యానికి ఏమాత్రం మంచిది కాదని శాస్త్రవేత్తలు చెబుతున్నారు. చాలామంది ఉదయం బ్రేక్‌ఫాస్ట్ లేదా మధ్యాహ్నం లంచ్‌లో రకరకాల జంక్ ఫుడ్‌ను తీసుకుంటూ ఉంటారు. ఈ ఆహారాల్లో నూనె పదార్థాలు అధికంగా ఉంటాయి, ఇవి బరువు పెరుగుదలకు కారణమవుతాయని శాస్త్రవేత్తలు స్పష్టం చేశారు. తాజాగా నిర్వహించిన అధ్యయనాలు ఈ విషయాన్ని నిర్ధారించాయి. ముఖ్యంగా మధ్యాహ్నం లంచ్ సమయంలో జంక్ ఫుడ్‌ను అధికంగా తీసుకునే వారే ఎక్కువగా ఉన్నారని అధ్యయనాలు చెబుతున్నాయి.
వివరాలు
జంక్ ఫుడ్ సమస్య
మధ్యాహ్నం లంచ్ సమయంలో జంక్ ఫుడ్‌ను ఎక్కువగా తీసుకోవడం వల్ల శరీరంలో క్యాలరీలు పెరుగుతాయి. అందుకు త‌గిన వ్యాయామం లేకపోతే మరింత సమస్యగా మారుతుంది. ఆధునిక కాలంలో చాలా మంది కంప్యూటర్ ఎదుట గంటల తరబడి కూర్చుని పని చేస్తూ, వ్యాయామం చేయడం పూర్తిగా మానేస్తున్నారు. ఈ అలవాటు లంచ్ కారణంగా బరువు పెరిగే అవకాశం పెంచుతుంది. నిత్యం ఫాస్ట్ ఫుడ్ తీసుకోవడం మంచిది కాదని శాస్త్రవేత్తలు హెచ్చరిస్తున్నారు. సమయం లేకపోవడం వల్ల చాలా మంది ఫాస్ట్ ఫుడ్‌ను ఎంచుకుంటారు, కానీ ఇది ఆరోగ్యానికి తీవ్రమైన హానిని కలిగిస్తుంది.
వివరాలు
చాక్లెట్లు, బిస్కెట్లు
కొంతమంది లంచ్ చేయకుండానే చాక్లెట్లు, బిస్కెట్లు వంటి వాటిని తీసుకుంటారు. ఇలా చేయడం శరీరానికి అవసరమైన పోషకాలను అందించదు. పైగా, ఈ ఆహారాలు శరీరంలో అనవసర క్యాలరీలను చేరుస్తాయి. ఇందులో మైదా పిండి, చక్కెర ఎక్కువగా ఉండటం వల్ల బరువు పెరుగుదలకు దారి తీస్తుంది. దీని వల్ల టైప్ 2 డయాబెటిస్ వచ్చే అవకాశం కూడా ఉంది. క్రీమ్‌తో చేసిన సలాడ్స్ కూడా ఆరోగ్యానికి మంచివి కావు. క్రీమ్‌ను వాడకుండా తేలికగా సలాడ్స్‌ను తీసుకోవడం ఉత్తమం.
వివరాలు
కూల్ డ్రింక్స్, ప్రాసెస్ చేయబడిన మాంసం
కొంతమంది లంచ్ సమయంలో ప్రాసెస్ చేయబడిన మాంసాహారాలను ఎక్కువగా తీసుకుంటారు. ఇవి శరీరంలో కొలెస్ట్రాల్‌ను పెంచి గుండె సమస్యలకు కారణమవుతాయి. గుండె పనితీరు దెబ్బతినడం, హార్ట్ ఎటాక్ రావడం వంటి సమస్యలు తలెత్తుతాయి. అలాగే, లంచ్‌లో భాగంగా కూల్ డ్రింక్స్ లేదా ప్రాసెస్ చేసిన పండ్ల రసాలు తాగడమూ శరీర బరువును పెంచుతుంది. దీన్ని నివారించడమే ఉత్తమం. ఈ విధంగా జంక్ ఫుడ్, అనారోగ్యకరమైన ఆహారాలకు దూరంగా ఉంటే, బరువు నియంత్రణతో పాటు ఆరోగ్యం మెరుగవుతుంది. ముఖ్యంగా గుండెకు హాని కలగకుండా ఉండటానికి సక్రమమైన ఆహారాన్ని ఎంచుకోవడం చాలా ముఖ్యం.