హ్యాపీ బర్త్ డే కేసీఆర్: జాతీయ రాజకీయాలే టార్గెట్
ఈ వార్తాకథనం ఏంటి
తెలంగాణ ముఖ్యమంత్రి కల్వకుంట్ల చంద్ర శేఖర రావు, ఈరోజు 69వ పుట్టినరోజును జరుపుకుంటున్నారు. తెలంగాణ రాష్ట్రాన్ని సాధించిన నాయకుడిగా చరిత్రలో స్థానం సంపాదించుకున్న కేసీఆర్ కు అన్ని వర్గాల ప్రజల నుండి పుట్టినరోజు శుభాకాంక్షలు వెల్లువెత్తుతున్నాయి.
ఈ పుట్టినరోజు కేసీఆర్ కు చాలా ప్రత్యేకం. ఎందుకంటే తెలంగాణ రాష్ట్ర సమితి నుండి భారత రాష్ట్ర సమితిగా పేరు మార్చి జాతీయ రాజకీయాల్లోకి వెళ్ళాలనే ప్రయత్నం ఈ సంవత్సరమే మొదలైంది.
అందుకే భారత రాష్ట్ర సమితి శ్రేణులు కూడా కేసీఆర్ పుట్టినరోజును ఘనంగా నిర్వహించాలని భావించి పెద్ద ఎత్తున ఏర్పాట్లు చేసారు. ఇటు సోషల్ మీడియాలోనూ కేసీఆర్ బర్త్ డే గురించి వీడియోలు వస్తూనే ఉన్నాయి.
కేసీఆర్
రైతు సర్కార్ నినాదంతో జాతీయ రాజకీయాలు
జాతీయ రాజకీయాల్లో కేసీఆర్ పాత్ర ఎలా ఉంటుందన్నది ఇప్పుడే ఎవ్వరూ చెప్పలేకపోతున్నారు. తెలంగాణలో ప్రవేశ పెట్టిన పథకాలను దేశమంతటా అమలు చేస్తానని కేసీఆర్ చెబుతున్నారు.
ముఖ్యంగా రైతు భీమా, రైతు బంధు వంటి పథకాలు దేశవ్యాప్తంగా అమల్లో చేయవచ్చని, దానికోసం రైతు సర్కార్ రావాలని, అది బీఆర్ఎస్సే అని కేసీఆర్ చెబుతున్నారు.
మరి బీఆర్ఎస్ పార్టీని జాతీయ స్థాయిలో పటిష్టంగా నిర్మించడానికి కేసీఆర్ ఏం చేస్తారో చూడాలి. ఇదిలా ఉంచితే, ప్రధానమంత్రి నరేంద్ర మోదీ, కేసీఆర్ కు పుట్టినరోజు శుభాకాంక్షలు తెలియజేసారు.
అలాగే తెలంగాణ గవర్నర్ తమిళిసై, కేసీఆర్ కు జన్మదిన శుభాకాంక్షలు తెలియజేసింది. సినిమా తారల్లో చిరంజీవి, మహేష్ బాబు ఇంకా చాలామంది శుభాకాంక్షలు తెలిపారు.