ప్రిన్సెన్ డయానా బ్లాక్ షీప్ స్వెట్టర్ ను వేలం వేస్తున్న ఫ్యాషన్ కంపెనీ..విశేషాలివే
ఈ వార్తాకథనం ఏంటి
యునైటెడ్ కింగ్ డమ్ లోని వేల్స్ దేశపు యువరాణి డయానా ధరించిన స్వెట్టర్ ను వేలం వేయబోతున్నారు. ప్రస్తుతం ఈ టాపిక్ వైరల్ గా మారింది.
1981లో ప్రిన్సెస్ డయానా ధరించిన బ్లాక్ షీప్ స్వెట్టర్, అప్పట్లో టాక్ ఆఫ్ ద టౌన్ గా నిలిచింది. నిజానికి ఈ స్వెట్టర్ పోయిందని అన్నారు. కానీ ఈ సంవత్సరం మార్చ్ లో ఈ స్వెట్టర్ దొరకడంతో ఇప్పుడు వేలం వేస్తున్నారు.
ఈ స్వెట్టర్ ని న్యూయార్క్ కి చెందిన సోత్ బై అనే ఫ్యాషన్ కంపెనీ వేలం వేయనుంది. ఈ స్వెట్టర్ ధర 50వేల డాలర్ల నుండి 80వేల డాలర్ల మధ్య ఉంటుందని అంటున్నారు.
Details
పెళ్ళికి నెల ముందు స్వెట్టర్ ని ధరించిన డయానా
తనకు కాబోయే భర్త కింగ్ ఛార్లెస్ 3 పోలో మ్యాచ్ చూడడం కోసం బ్లాక్ స్వెట్టర్ ని ప్రిన్సెస్ డయానా 1981లో ధరించింది. ఆ తర్వాత ఒక నెలకు వాళ్ళిద్దరికీ పెళ్ళయ్యింది.
ఎరుపు రంగు నూలుతో ఉండే స్వెట్టర్ పై తెలుపు రంగులోని గొర్రెల డిజైన్ల వరుస ఉంటుంది. వాటి మధ్యలో ఒక దగ్గర నలుపు రంగు గొర్రె డిజైన్ ఉంటుంది. అందుకే దీన్ని బ్లాక్ షీప్ స్వెట్టర్ అంటారు.
ఈ స్వెట్టర్ డిజైన్ ని 1979లో తయారు చేసారు. అదలా ఉంచితే, ప్రస్తుతం ప్రిన్సెస్ డయానా బ్లాక్ షీప్ స్వెట్టర్ వేలం ఆగస్టు 31 నుండి మొదలవుతుంది. ఆ తర్వాత సెప్టెంబర్ 14వరకు వేలం జరుగుతూనే ఉంటుంది.