Raksha Bandhan 2026: రాఖీ పండుగ రోజు సోదరి కట్టిన రాఖీని ఎన్ని రోజులకు తీయాలో తెలుసా?
ఈ వార్తాకథనం ఏంటి
జీవితంలో ప్రతి క్షణం, ప్రతి బంధం ఎంతో విలువైనదే. అందుకే అన్నదమ్ములపై తమకున్న ప్రేమ, ఆప్యాయతను చాటుకునేందుకు అక్కచెల్లెళ్లు రాఖీ పండుగ కోసం ఏడాది పొడవునా ఎదురుచూస్తుంటారు. ఈ ఏడాది కూడా రక్షాబంధన్ వేడుకలకు సమయం దగ్గరపడుతోంది. శ్రావణ పౌర్ణమి రోజున జరుపుకునే ఈ పండుగను పురస్కరించుకుని అక్కచెల్లెళ్లు తమ సోదరులకు రాఖీలు కట్టేందుకు సిద్ధమవుతున్నారు. అన్నదమ్ములు, అక్కచెల్లెళ్ల మధ్య ప్రేమ, ఆప్యాయతకు ప్రతీకగా రక్షా బంధన్ను జరుపుకుంటారు. రాఖీ పండుగ రోజు అక్కచెల్లెళ్లు తమ సోదరులకు ప్రేమగా రాఖీ కడతారు. సోదరులు కూడా తమ సోదరీమణులపై ఉన్న ప్రేమను చాటుకుంటూ వారికి కానుకలు అందిస్తారు.
వివరాలు
రాఖీ కట్టిన రోజే దాన్ని తీసేయడం శుభప్రదమా?
రాఖీ కట్టిన తర్వాత దాన్ని ఎన్ని రోజులు చేతికి ఉంచుకోవాలి? ఎప్పుడు తీయాలి? తీసిన తర్వాత ఏం చేయాలి? అనే సందేహాలు చాలామందికి ఉంటాయి.
మరి దీనిపై సంప్రదాయంగా ఏం చెబుతున్నారో ఇప్పుడు తెలుసుకుందాం.
సాధారణంగా రక్షా బంధన్ రోజున రాఖీ కట్టించుకున్న కొందరు సోదరులు మరుసటి రోజే దాన్ని చేతి నుంచి తీసేస్తుంటారు.
మరికొందరు మాత్రం కొన్ని రోజుల పాటు చేతికే ఉంచుకుంటారు. ఇంకొందరు రాఖీ కట్టిన రోజే సాయంత్రంలోపు తీసేస్తుంటారు.
అయితే రాఖీ కట్టిన రోజే దాన్ని తీసేయడం శుభప్రదం కాదని కొందరు సంప్రదాయ విశ్వాసాలు చెబుతున్నాయి.
వివరాలు
రాఖీ తీసిన తర్వాత ఏం చేయాలి?
అలాగే రక్షాబంధన్ రోజున సోదరి కట్టిన రాఖీని శ్రీకృష్ణ జన్మాష్టమి రోజున కూడా తీసేయవచ్చని చెబుతారు. ఆ రోజున రాఖీని చేతి నుంచి తీసేయవచ్చని సంప్రదాయంగా భావిస్తారు.
చేతి నుంచి రాఖీ తీసిన తర్వాత దాన్ని వెంటనే ఏదైనా మొక్కకు కట్టడం మంచిదని చెబుతారు.
అయితే రాఖీని కచ్చితంగా ఎప్పుడు తీసేయాలనే విషయంపై శాస్త్రాల్లో నిర్దిష్టంగా ప్రస్తావన లేదని చెబుతున్నారు.
అదే సమయంలో రాఖీని చాలా రోజుల పాటు చేతికి కట్టుకుని ఉండటం మంచిది కాదనే అభిప్రాయం కూడా ఉంది.
రాఖీ ఎప్పుడో ఒకప్పుడు ఊడిపోయి ఎక్కడపడితే అక్కడ పడే అవకాశం ఉంటుంది. ఇతరులు దానిని తొక్కడం వంటివి అశుభంగా భావిస్తారు.
వివరాలు
తోబుట్టువుల మధ్య ప్రేమ, ఆప్యాయత, రక్షణకు ప్రతీకగా పండుగ..
రక్షా బంధన్ పండుగను కేవలం హిందువులు మాత్రమే కాకుండా సిక్కులు, జైనులు కూడా ఎంతో ఇష్టంగా జరుపుకుంటారు.
క్రైస్తవులు కూడా ఈ పండుగను ఆనందంగా జరుపుకునే సందర్భాలు ఉన్నాయి.
ఇలా రక్షా బంధన్ మతపరమైన హద్దులను దాటి తోబుట్టువుల మధ్య ప్రేమ, ఆప్యాయత, రక్షణకు ప్రతీకగా నిలిచింది.