ఒంటరిగా జీవిస్తున్నారా? డబ్బుల్ని సేవ్ చేసుకునే పద్దతులు తెలుసుకోండి
ఒంటరిగా జీవించడం చాలా కష్టం. తోడు లేకుండా కాలం గడపడం అంత ఈజీ కాదు. ఈ మధ్యకాలంలో చాలామంది సోలో లైఫ్ వైపు మొగ్గు చూపుతున్నారు. ఒంటరిగా జీవించే వారికి ఖర్చు చాలా తక్కువగా ఉంటుందనుకుంటే పొరపాటే అవుతుంది. ఒంటరిగా ఉన్నప్పుడు తెలియకుండానే చాలా ఖర్చులు అవుతుంటాయి. ప్రస్తుతం ఖర్చుల్ని తక్కువ చేసి డబ్బులు ఎలా పొదుపు చేయాలో తెలుసుకుందాం. పార్సిల్స్ తెచ్చుకోవడం మానేయండి: ఒంటరిగా ఉన్నప్పుడు వండుకోవడం బద్ధకం అవుతుంది. రెగ్యులర్ గా బయటనుంచి పార్సెల్ తెచ్చుకోవడం అలవాటుగా ఉంటుంది. ఈ అలవాటును పూర్తిగా మానేకపోయినా కొంతవరకు తగ్గించండి. దీని వల్ల చాలా డబ్బు ఆదా అవుతుంది. వండుకోవడం అలవాటు చేసుకోండి. వంట వండేటప్పుడు కలిగే ఆనందాన్ని ఫీల్ అవ్వండి.
ఖర్చు తగ్గించడానికి షేరింగ్ తప్పనిసరి
సబ్ స్క్రిప్షన్స్ తగ్గించుకోండి: స్ట్రీమింగ్ ఫ్లాట్ ఫార్మ్స్ ఇంకా ఇతర క్లబ్ మెంబర్షిప్స్ మొదలైన వాటి సబ్ స్క్రిప్షన్ తగ్గించుకోండి. కొన్నిసార్లు రెగ్యులర్గా ఎలాంటి క్లబ్ కి వెళ్లకపోయినా మెంబర్షిప్ తీసుకుంటూ ఉంటారు. ఇలాంటి వాటిని పూర్తిగా మానేయండి. షేర్ చేసుకోండి: మీకు బాగా క్లోజ్ ఫ్రెండ్ లేదా దగ్గరి బంధువులతో మీ ఖర్చులను షేర్ చేసుకోండి. ఆఫీసుకు ఇద్దరూ ఒకే బైక్ మీద వెళ్ళటం లాంటివి చేయడం వల్ల మీకు ఖర్చు చాలా తగ్గుతుంది. అంతేకాదు ఈ మధ్య ఫ్రెండ్షిప్ కూడా పెరుగుతుంది.
సెకండ్ హ్యాండ్ వస్తువులను కొనుక్కోండి
ఫ్రిడ్జ్, సోఫా, వాషింగ్ మిషన్ మొదలగు వాటిని సెకండ్ హ్యాండ్ లో తీసుకోవడం వల్ల ఖర్చు చాలా తగ్గుతుంది. ఆన్ లైన్ లో సెకండ్ హ్యాండ్ వస్తువులు చాలా దొరుకుతాయి. పాత వాటిని కొనుక్కోవడం వల్ల మీకు డబ్బులు మిగలడమే కాకుండా చాలా తక్కువ ధరకే వస్తువులు లభిస్తాయి. సింపుల్ గా జీవించండి: ఒంటరిగా బతకాలనుకున్నవారు ఎవరినీ ఇంప్రెస్ చేయాల్సిన అవసరం ఉండదు. కాబట్టి అనవసర డాబుకు పోయి డబ్బులను వృధా ఖర్చు చేయకపోవడమే మంచిది. సింపుల్ గా జీవితాన్ని గడపడం వల్ల డబ్బు ఎక్కువగా మిగులుతుంది. ఆ డబ్బుతో మీకున్న అభిరుచుల మీద లక్ష్యాల మీద ఖర్చు పెట్టవచ్చు.
ఈ టైమ్ లైన్ ని షేర్ చేయండి