ప్రపంచంలోనే రుచికరమైన టాప-5 కర్రీస్ ఇవే
ఈ వార్తాకథనం ఏంటి
ప్రపంచవ్యాప్తంగా నోరూరించే వంటకాలు, ఘుమఘుమలాడే రుచికరమైన కూరలు తయారు కావాలంటే సుగంధ ద్రవ్యాలు, మసాలా దినుసులు పడాల్సిందే.
ఒక్కో ప్రదేశంలో ఒక్కో కర్రీ ప్రత్యేకంగా ఉంటుంది. ఈ క్రమంలో ప్రపంచంలోనే అత్యంత రుచికరమైన కర్రీస్ గురించి ఇప్పుడు తెలుసుకుందాం.
1. పనాంగ్ కూర - ఇది ఆసియాలోని థాయ్ ప్రత్యేక వంటకం. రుచికరమైన థాయ్ కర్రీకి 1890నాటి నుంచే గొప్ప చరిత్ర ఉంది. మృదువైన ఎరుపు రంగులో నోరూరించే ఈ వంటకాన్ని పనాంగ్ కర్రీ అని కూడా అంటారు.
పనాంగ్ కూర, "ఫనాంగ్" అని పిలిచే ఈ కూర, వగరు రుచికి ప్రత్యేకం. వేరుశెనగ ద్వారా దీన్ని తయారు చేస్తారు. తీపి, పులుపుల కలబోతగా సమతుల్యతతో కూడిన రుచిని ఇది అందిస్తుంది.
details
శాకాహార రుచుల్లో మలై కోఫ్తా ఫేమస్
2. టేస్టీ మలై కోఫ్తా
దేశంలో అత్యంత ఎక్కువగా ఇష్టపడే శాకాహార రుచుల్లో ఇదొకటి. సువాసనగల సాస్‌లో వేయించిన పన్నీర్ బాల్స్ తో దీన్ని తయారు చేస్తారు.మలాయ్ మొఘలాయ్ వంటకాలకు చెందినవిగా ప్రసిద్ధి.
సిల్కీ-స్మూత్, తేలికపాటి కారంతో, మృదువుగా ఉండే పన్నీర్ కర్రీని తందూరి బ్రెడ్,నాన్, జీరా రైస్‌తో సర్వ్ చేస్తే లొట్టలేసుకుంటూ తింటారు.
3. ఇండియన్ షాహీ పనీర్
ప్రపంచవ్యాప్తంగా షాహీ పన్నీర్ ప్రత్యేకతను సంతరించుకుంది.దీని పేరు షాహి పన్నీర్. అంటే రాయల్ పన్నీర్ అని అర్ధం. పనీర్ ప్రధాన పదార్ధంగా, విరిగిపోయిన పాల ఉత్పత్తులతో తయారవుతుంది.
కుంకుమపువ్వు, గరం మసాలా వంటి సువాసనగల మసాలాలతో పాటు జీడిపప్పు వేసి తయారు చేస్తారు. భోజనప్రియులు షాహీ పన్నీర్ ను చాలా ఇష్టపడుతుంటారు.
details
దక్షిణ భారతం స్పెషల్ సాంబార్
4. కట్సు కూర -జపనీస్ స్పెషల్
బ్రెడ్, వేయించిన కట్‌లెట్‌లతో దీన్ని తయారు చేసే కట్సు కర్రీ చాలా టేస్టీగా ఉంటుంది. దీనికి జపాన్‌లో చాలా క్రేజ్ ఉంటుంది. అక్కడ దీన్ని ఎక్కువగా లాగిస్తారు.
వెల్వెట్ కర్రీ సాస్ వివిధ సుగంధ ద్రవ్యాలు, కూరగాయలతో కలిపి దీన్ని తయారు చేస్తారు.ఎక్కువగా ఆపిల్‌లను కలపడంతో తీపి రుచినీ అందిస్తుంది.ఈ కట్లెట్ తింటే ప్రోటీన్ల పరంగా ఢోకా ఉండదు.
5. సాంబార్
దక్షిణ భారతదేశంలో సాంబార్ అంటే తెలియనివారు ఉండరు. రకరకాల కూరగాయలు, పప్పు, చింతపండు ఆధారంగా పులుసుతో చేసే ప్రసిద్ధమైన వంటకం ఇది.
తమిళనాడు నుంచే ఉద్భవించినప్పటికీ, దక్షిణాది మొత్తానికే ఈ సాంబార్ వంటకం ఫేమస్. శ్రీలంకలోనూ గొప్ప ఆదరణ పొందింది.